الـــــــــــــخـــــبـــــــــــــــــــــــــــر
تقيم الحكومة "مــسابـــقة كــــــــبــــــــــرى" للمواطنين للحصول على أراضي سكنية مجانية في المناطق التالية:
- الشويخ الصناعية
- الري
- صبحان
- جنوب الفروانية (الضجيج)
- خيطان
- منطقة "نادي الصيد والفروسية"
وبالمساحات التي يحددها المواطنون أنفسهم !! كل ما على المواطنين إحضاره هو "بقي" * ممتاز سريع و عنده قابلية "للتقحيص" و " التشفيط" للتسابق!
المسابقة عبارة عن سباق كبير "بالبقيات" .. كل أسرة تستعد بالبقي الخاص فيها .. حاملة معها علماً - من الأعلام التي سوف يتم توزيعها من الحكومة- والإنطلاق نحوالأرض التي يرغبون بأن تكون "أرضهم" و مكان بيتهم بالمستقبل .. وأسرع أسرة تصل "بالبقي" إلى الأرض المختارة وتقوم بغرس "العلم الحكومي" بها .. ستكون هي الفائزة بهذه الأرض!!
انتهى الخبر !!!
المصدر " أحلام مواطنة كويتية"
ما رأيكم بالخبر؟؟ .. ليس إشاعة!! لقد أحضرته لكم من المصدر!! لماذا لا تصدقون أن هذه المسابقة حقيقية؟!
لأنها "حلم يا حسين حلم" **!!!
بالأمس كنت أشاهد فيلما DVD اسمه "البعيد و النائي" Far & Away من بطولة الثنائي السابق توم كروز و نيكول كيدمان .. الفيلم قديم نوعاً ما ولكنه من أحلامي المفضلة .. عذراً!! أقصد من أفلامي المفضلة!
تحكي قصة الفيلم عن رجل طاعن في السن يملك أرضاً في بلده اسكوتلاندا أو ايرلاندا (لايهم) ولكن كان هناك اقطاعياً .. متسلطاً .. يستحوذ على أراضي المزارعين .. ومن لم يسددوا دينهم .. ليأخذ أراضيهم .. ويضمها لأملاكه اللامنتهية.. وقبل أن يموت الرجل .. أوصى ابنه "كروز" بأهمية الأرض للرجل .. وبأن الرجل لا يساوي شيئاً من دون أرضه!
يذهب "كروز" برفقة ابنة الإقطاعي للهجرة إلى "أميركا الشمالية" و ذلك لأنهم هناك يمنحون أراضي "ابلاش" .. شرط الفوز بالمسابقة "كالتي ذكرتها ولكن الفرق أنهم كانوا يتسابقون بالأحصنة عوضاً عن البقيات"!!
وأثناء "اندماجي بالفيلم" .. حلمت (من أحلام يقظتي الكثيرة بالطبع) بحدوث مثل تلك المسابقة عندنا .. وتقوم الحكومة بتوزيع الأراضي ابلاش .. يا سلاااااااااااااام .. ودكم تصير صج؟؟ وإذا صارت، تهقون ماراح تدخل "واو" بالموضوع؟؟ وإلا هم راح نعاني من "إذنك .. خشمك.. صماخك.. whatever ؟!!
وترى على فكرة .. أنا حجزت أرضي من الحين لا تحطون عينكم عليها!! والعلم اللي رفعته لونه "أبيض" !!
------------------------------------------------------------------------------
* البقي: دراجة نارية بأربع عجلات!
** حلم ياحسين حلم: راجع مدونة I have a Dream
هناك 28 تعليقًا:
ههههه والله حلم الكل هذا
تسلمين عالموضوع الحلو
:)
خيالك واسع بمساعدة توم ونيكول هههه
عاد أنا احب نيكول وما اداني توم ..
لو تصير هذي المسابقة عندنا جان تلقين الناس طق اعصي .. الناس بشكل عام تحب البلاش تحب الشي إللي ايي بسهولة
...
عموما ترى خبرج هذا إنتي تتحملين مسؤوليته إذا احد جهز بقيه من الحين هههه ..
تصدقين للحين عالقة فبالي " لو شاكك أدي " والله المصرين عليهم سوالف تموت من الضحك :)
يعطيج العافية
ايي والله حلم يا حسين حلم
ما قصرتي على هالموضوع :)
Hi kuwait
إن شاءالله يتحقق الحلم في يومٍ مــــا!
الله يسلمك .. نورت المدونة :)
7osen
مدام الخيال والحلم للحين "ابلاش" .. خلنا نحلم شورانا؟ :)
عاد الحين موسم البقيات ..
الله يعافيك وحياك الله :)
Angel of silence
مشكورة على التعليق الحلو ..
حياج الله :)
مجمع التلال بقهوته "حللي"
من وين مطلعة فار اند اوي؟... نسيت قصته بس افتكر انهم تزوجوا عقب هالفلم!
chandal/ danchal!!
اممم مجمع التلال هه؟ والله خوش موقع p:
أعتقد إن توم ونيكول كانوا متزوجين حزتها؟ والله مادري!
مشكوره على التعليق الجميل :)
خوش خبر والله
بس الله يهداهم مافي مناطق أبعد من جذي؟ p;
انا زهبت العلم بس ناقصني البقي ;(
بوست حالم .. يعطيج العافية ^^
ههههه..أحلامج عجيييبه..
شوي شوي علينا لا يطيح السقف..هههه
يسلمو عالطرح الحلو :)
اشوه اني توني متعلمه اسوق بقي ههههه
شكرا
السلام..
خخ عيل اسعار سوالف البنيان بتشب ضو :\
مو الخوف من الواسطه الخوف يصير مداحر وداحس والغبرا..
ومرسي ..
جااااااان زيين !
بس وين ياحظي p;
تسلمين خيتي عالموضوع
خوش حلم
انا ابي ارض على البحر يصير :)
الواسطة بالكويت شر لابدمنه :)
BookMark
امبلا في أبعد "المطلاع - الخيران- الصبية"
شرايج؟
وإذا على البقي مو مشكلة نسلفج واحد .. مشكورة على التعليق العسل .. نورتيني :)
dr. tota
أنا قاعدة أحلم ما أقط صواريخ .. فيه فرق :)
بس شرايج بالحلم؟ فـــله مو؟ :)
شاي الضحى
زين تسوين أنا للحين "دقة قديمة" حدي قواري ما اعرف للبقيات للحين :)
حياج الله
حافية القدمين ولباسي المطر
الله يعافيج .. أسعدني تعليقج ومرورج :)
يعطيييج العافيه ايت هالحالمه... أقول انا ادري انه حلم بس هم ادري انه ما راح اخلوووونج... فيه ناس راح يستثنونهم بالانطلاق قبل صوت طلقة الصفر.... و فيه ناس راح يلغمون البانشي مالهم علشان يحجزون احلى المواقع... و في ناس راح يستأجرون ناس بروفشنال علشان يسوقون البانشي....و فيه ناس تلقين بلوكاااااات كامله باسامي مستعاره من طقة الاخ "ساطور المريطي" الي ما تدرين من اللي وراااه... و بالنهايه المواطن العادي الي راكب البانشي العادي راح اخلص بانزينه و بقزرها مشي حافي لين تنقللل ريوله... و الباقي حوادث و قاعدين يتهاوشون مع بعض ليش انه كل واحد يقول الغلط مو علي و الطيور تالي تطير بارزاقها كالعاده....و هذا حاااال بلادناالمسكنه الحالمه....
مع تحيات
Hurricane
Hamad
تدري أحلى شي بالحلم شنو؟؟
إنك ما تحاتي التفاصيل .. وكل شي اوكي .. كل شي يصير :)
علشان جذي قلت اني حلمي من طقة "حلم يا حسين حلم" :)
ههههههه
لو نفترض " عبطا " انه هالحلم صار صج .. بيصير تكرمين طق نعل على هالاراضي وواسطات
وياليت المناطق اللي ذكرتيهم حلوة لووول
وعلى قولتج .. حلم يا حسين حلم
عجبني اسلوب الطرح ..
تقبلي شكري :)
لول الأمل
بالنسبة للمناطق .. قريبة من الديرة وأفضل بمليون مره من الخيران والمطلاع!!
وأشوه "إنه حلم" .. علشان ما تصير المعركة اللي قلت عنها و ما توصل للطق مطاقق :)
أسعدني مرورك .. نورت المدونة :)
لووول .. بالأحلام السعيدة pP؛
و فيتامين "واو" هذا داش بكل مكان .. آآخ لو نفتك من شرّه .. جان الدنيا بخير عندنا ..!
الأحلام بـ بلاش اختي .. اختاري الحلم اللي يعجبج .. و تمتعي D=
بالتوفيق إنجنيرة =>
مبروك ع الستايل الجديد
..
"أحلم..فقد يصبح ما يحلم به الإنسان واقعا"
لو صار كذا...جان في كل أرض بتلقين هوشة و مناجر..من وصل قبل من..و من حط علم من قبل!!
الله يرزكم كل خير..
تحياتي
ههههه أحلامج مثل الصواريخ..
قويه ومدمره..للحال الي احنا فيه مو؟؟!
نبض الأدب ..
مو مدام الأحلام ابلاش الحين "خل الواحد ياخذ راحته" :)
أسعدني مرورك :)
jonoon 3aqel
الله يبارك فيك .. كل شوي أكتشف شي يديد بعالم المدونات و كل شوي مغيره بالستايل :)
اي والله أشوه انه حلم لأنه لو صار صج .. جان شيفكنا من النجرة و الهواش !!
مشكور على التعليق :)
dr. tota
الفرق بين الأحلام "مو الكوابيس والصواريخ .. إن الأولى وردية .. مسالمة .. والثانية قاسية ومدمرة :)
أسعدني مرورج
إرسال تعليق