تحذير: هذه المدونة تخضع لقانون حماية حقوق الملكية الفكرية، ونحذر من نشر أو نقل أي نص أو مقال دون نسبه للمؤلفة بأي وسيلة.







الخميس، 16 سبتمبر 2010

كاذب .. منافق .. وأبو شلاخ!!


لأول مرة لا أعرف من أين أبدأ !!
من عادتي - في الفترة الأخيرة- أن أنزل موضوع جديد وأنساه ، وبعد دهر أنزل موضوع آخر! ولكن ما حدث أخرجني "عن طوري" وحثني على الكتابة وإنزال هذا البوست. ( أشـــكـــــــو إلــيــــــــــــــــــــكــ !!)
لاحظت في الآونة الأخيرة انتشار الكذب بشكل لا يصدق بين الناس! فالبعض يكذب لكي يبعد العين والحسد!
والبعض الآخر يكذب ليعوض عن الشعور بالنقص الذي يعيش فيه ..
والبعض يكذب لمجرد الكذب !!
(( أشـــــكــــــــــو إلـــــــــيـــــــــــــــكــــ !! ))
****
ما يضحكني حقا ً هم هؤلاء الذين يكذبون ويصدقون كذبتهم! فهم يلقون بالكذبة ( جنهم مو اهم) وبعد حين يعيشونها ويصدقونها بل ويقسمون بأغلظ الأيمان بصحتها !!
(( أشــكــــــو إلــيـــــــكـــ !! ))
****
تحدثني صديقتي عن قصة حدثت لإحدى قريباتها، تقول:
قريبتها تبلغ من العمر التاسعة عشر،و تدرس في إحدى الكليات في سنواتها الدراسية الأولى . عانت من عدة صدمات نفسية عند دخولها إلى الجامعة ..
والسبب؟؟!!
اتهام الجميع لها بأنها غير سوية وتعاني من اضطرابات نفسية وتعيش حياة معقدة لأنه لا يوجد لديها boyfriend !!!!
((أشـــكــــو إلـــيـــــــكـــ !!))
ويحكم يا فتيات! هل أصبحت الفتاة الشريفة العفيفة ذات الأخلاق العالية والأدب الرفيع والمحافظة على نفسها وملتزمة بدينها وعاداتها وتقاليدها .. معقدة؟؟!!!
مـــــــــا علينا نرجع لموضوعنا !
أحست الفتاة بالنقص وبنفور جميع من هن حولها من زميلاتها بسبب عدم معرفتها بشاب تعيش معه قصة حب وهمية! وكانت تربيتها تمنعها من أن تحادث شابا ً بالهاتف أو أن تقبل بأخذ الرقم منه .. ( لحد الحين تمام)
ولكن تلك الفتاة خضعت لوسوسة الشيطان وإلحاح صديقات إبليس عليها،، فكان أن تعرفت على شاب عن طريق أحد البرامج المختصة بالمحادثة ( تشات) وبعد فترة أصبحت على علاقة جيدة به ،، وأحبته!
(( أشكــــــــو إلــيــكـــ !!))
استطاع الشاب أن يأسر الفتاة بأحاديثة المختلفة، وأبهرها بثقافته الواسعة، فما كان منها إلا أن عشقته بجنون .. وقبلت أخيرا ً أن تحادثه بالهاتف، فقد أصبح الآن حبيبها .. وسيصبح في المستقبل زوجها فلِمَ لا؟! فها هي أخيرا ً تحدث صديقاتها بوجود حبيب لها و لتثبت للجميع بأنها غير معقدة!
المهم .. نرجع لموضوعنا !!!
لاحظت الفتاة بأن حبيبها " خالد" وهذا الاسم الذي اختاره ( مادري ليش أغلب الشباب المعاكسين يختارون هالاسم ليكون اسمهم الوهمي!!) المهم لاحظت بأن حبيبها يرفض أن تقوم هي بالاتصال به!
وكان هو من يتصل بها ومن هاتف أرضي وليس متنقل! لم تكترث أو تبالي في البداية طالما هو يحادثها ويكلمها ويوفر عليها المكالمات!!
تقول صديقتي بأن قريبتها كانت تحادث الشاب "خالد" هذا وعندها قال لها في جملة حديثه :
" بتشوفين .. وقولي "متولي" ما قال!"
متولي؟!! و كويتي؟؟
((أشــكـــــو إليـــكـــ !!))
سكتت الفتاة للحظات، ولم تعلق على ما سمعته فظن الفتى "الحليوه" بأنها لم تنتبه لغلطته وللاسم الذي لفظه للتو وآثر أن يغير الموضوع و"يضيع السالفة" !!
كان خالد قد أخبر الفتاة بأنه طالب وموظف في آن معا ً ، فقد كان يعمل في إحدى الشركات الخاصة ، ويكمل تعليمه في جامعة 6 اكتوبر في مصر! أخبرها عن سفراته الكثيرة ... وسياراته الفاخرة التي لا تصمد عنده أكثر من 6 أشهر حتى يبدلها بسيارة جديدة!
حذرها مرارا ً بأن لا تقوم بالاتصال به على هاتف المنزل ، بحجة أن أهله "ناس متدينين" و بأنها لو طلبت خالد فسيخبرونها بأن الرقم خاطيء!!
(أشكـــو إلــيـــكـــ )
المهم ..
الفتاة لم تقتنع بموضوع متولي ولم ترد أن تمرره على خير! فكان أن طلبت من إحدى صديقاتها " المتمردات" أن تتصل ببيت صديقها خالد وتطلب المدعو " متولي" !! فقد أنبأها حدسها بأن خالد ليس اسم حبيبها وإنما "متولي" هو الاسم الصحيح!!
قامت الصديقة بفعل ما طلبته منها "بطلتنا" واتصلت بالرقم المطلوب، فأجابتها إمرأة أخرى.. سكتت للحظات، ثم طلبت "متولي" ..والصدمة كانت بوجود شخص يدعى متولي بالفعل! وبعد استجواب قصير للمرأة تبيّن بأنها زوجة متولي الذي طلع "شيخ بلاش" و لديه خمسة أطفال وأمهم!!
أشــكو إلــيـــكـــ !!
طبعا ً واجهت الفتاة الحبيب المزيف الكاذب "بو شلاخ" .. ولم يستطع أن ينفي شيء، فقد اتضح بأنه يعمل كاشير في أحد الأسواق الشعبية، وليس لديه شهادة ولا حتى ربعها.. ولم يكن يكمل تعليمه في مصر ولا شيء.. بل حتى اتضح بأنه لم يسافر أبدا ً ..
فما كان من الفتاة إلى أن تركته غير مأسوف عليه،، وبكت كثيرا ً لتخليها عن مبادئها وأخلاقها في لحظة ضعف،، لتقع فريسة لأكاذيب ذلك الشاب العابث "ابو شلاخ" .. وعاهدت نفسها بأن لا تكون بهذا الغباء بعد ذلك،، وبأن تعيش "معقدة" طوال حياتها إذا لزم الأمر!!
****
أحيانا ً كثيرا ً يستهين الناس بالكذب،،، عندما يكذبون أول مرة تصبح " كذبة بيضاء" لا تضر!
ثم تصبح الكذبة من أجل انقاذ موقف ..
ثم من أجل الدفاع عن النفس !!
ثم تكبر وتكبر حتى تصبح سلسلة من الأكاذيب تنافس سلسلة مطاعم الوجبات السريعة بأكملها !! حتى تتفاقم وتتفشى في المجتمع!
دعوة ..
للالتزام بالصدق .. وقتل الكذب ..
دعوة لمكافحة ال"تشلخ" والنفاق وانقاذ المجتمع ..
دعوة أوجهها لدحر الكاذبين والمنافقين .. والقضاء عليهم بشتى الوسائل ..
واذا تفاقم الأمر .. عندها (( لزوم نبلغ الشيخ بالسالفة!!))
*****
خارج الموضوع
المدارس بدت وبعضها جديد وغير مجهز لاستقبال المعلمين والمعلمات ولا الطلبة والطالبات ..
رسوم المدارس الخاصة زادت ..
الزحمة أصبحت شديدة ولا تطاق ..
المستشفيات في تدهور .. والمستوصفات الله يعلم بالحال!!
نسبة الحوادث غير طبيعية وضحاياها في ارتفاع!
و..... و.........و............و.......... الكثير
(( أشــكــــو إلــيـــكـــ ))
ياترى عقب هذا كله .. درى الشيخ بالسالفة ولا للحين؟!
** اسم متولي اسم اخترته من خيالي، ووظفته لخدمة الموضوع! :)
دمتم بخير :)

هناك 78 تعليقًا:

Antonio يقول...

البش مهندسا ..

شنو هالموضوع ! شدني صراحة !

للاسف اصبح الكذب والعيش في وهم صفه يعيشها أناس كثيرون للاسف ..
وهذا الشي بدأ من صغر سن الفتاة وتأثير أصحاب السوء عليها ، وهنا نبرر اذا كانا صديقين أحدهم سيء واخر جيد ، فدائما ما يبرر السيئ حسن تصرفه واشارك زميله معه في ما يفعل ، على الرغم من معرفته بخطأه ..

ما نقول الا لا حولة ولا قوة الا بالله
والله يحفظنا وبناتنا والمسلمين ..
خوش موضوع الصراحة ومحتاجين مثله للتوعية ....

كل عام وانتي بخير يا البش مهندسا ويعطيج العافية على الموضوع الحلو

AsMa-Kw يقول...

اولا يعطيج العافيه على هالبوست الرائع مهندستنا :)

بصراحه هذا اللي قاعد يصير "الكذاب وابو شلاخ " متنشرين ويزياده بالديره وللاسف الشديد صارت "ظاهره" بدل ماتبني تهدم :(
ناس كثيره كانت ضاحيا للكذب وحالات وايد مرت بنفس القصه اللي ذكرتيها .. الله يحفظنا ويستر عليناا وايااكم من هالشكال يارب :)

وبخصووص خارج الموضووع .. ربج كريييم وانا خيتج :)

عساج عالقوه *_^

chandal/danchal!! يقول...

اكثر دعوة ادعيها حق بناتي بشكل خاص وبنات الناس بشكل عام -الستر-

يا رب يستر على بناتنا ويبعد عنهم عمل السوء ورفقاء السوء


يعطيج العافية ابرار


ماحب اسم خالد
:p

Unique Girl يقول...

صح كلامج وااايد يجذبون وبعدهاا يلصق هالطبع فيهم ويوصلون لي مرحله ان كل كلامهم جذب

واما القصه الي وضفتيها ضحكتني وخاصه الأسم متولي لوووووول

واسلوبج واااايد حلو بالسرد في نفس كلمات تضيفينها تضحكني وااايد لووول يعني بو شلاخ ولزوم نبلغ الشيخ بالسالفه لوووول

تسلميييييين بارونه على البوست الحلو صج وياليت تصحي النيام

Engineer A يقول...

Antonio

الله يحفظ بناتنا يارب ويستر عليهم .. ويهدي هالمستهترين ..

نورتني بتواجدك أخوي انطونيو .. وبانتظار بوستاتك الحلوة دايما ً :)

Engineer A يقول...

AsMa-Kw

الله يعافيج ويخليج :)

المشكلة الحين الحابل اختلط بالنابل وماتدرين الشخص اللي جدامج يتكلم من صجه والا من جذبه؟!

الله المستعان

شرفتي المدونة بوجودج العطر .. ودوم هالتواصل يارب :)

Engineer A يقول...

chandal/danchal!!

الله يحفظ بناتنا يارب وبنات المسلمين ..


منوّره :))

Engineer A يقول...

Unique Girl

الله يخليكم ويحفظكم لأهلكم وشبابكم يارب وديربالكم من هالدنيا وبلاويها ..

سعيدة بتواجدج .. وسعيدة أكثر بأن الموضوع راق لج :)


كل الود

she is me يقول...

الكذب كذب .. مافيه أبيض ولا ملون..

والبنية ..تحمد ربها ان السالفة يت على متولي وبس..
صرنا بزمن .. الوحدة لازم تفتخر بعقدها..
وهالبنية زلت .. لانها فاضية .. لو كان عندها شي تحبه يشغلها ويملي عليها حياتها جان ما زلت ..

أما الدوام ..كل ما أتذكر إني بداوم .. أصاب بالغثيان><

BookMark يقول...

الحين الشريفة صارت يا معقدة أو بوية!

والجذب انتشر بشكل فظيع
لدرجة تخليني أشك بوايد سوالف تنقال من الناس الي جدامي ..
ماتعرفين صجهم من جذبهم

الجودي يقول...

نصيحه ماله داعي تنطرين بلغي الشيخ بالسالفه و خلصي الموضوع ...

حبوبه في ناس مرضى الكذب يسري في عروقهم ما يرتاحون إذا ما جذبوا الصدق يقززهم ما أدري إشلون أقولها بس جد تصرفهم يتم عن قناعه كامله إن إلي يسوونه صح و الطامه الكبرى لما يصدقون و يحلفون ...
أيام الجامعة كان معاي بنت من هذا النوع و بعد التخرج حسيت إن حالتها استفحلة صارت بالفعل حالة مرضيه ومعرفتها مدعاة للهم الله يكافينا الشر و لا يبلانا ..

أما عن البنوته و صديقات الجامعه وايد أسمع نفس القصة بس المثال إلي عندي البنت صامده و الله يثبتها بس فعلا وضع مأسوف عليه إن يوصل الحال جذي و الله يستر على الجميع يارب

AM.SA.CHANNEL يقول...

الحين الآية بدت تنعكس بدينا نلاحظ ناس يبين عليهم الصلاح لكن العكس و ناس ما يبين عليهم شي لكن هم صالحييييين ..

أنا مليت الصراحة من هالسوالف البنت الصالحة و الشلة يخربونها على إنها متخلفة و ما عندها ربع .. الحين هاليهال بدوا يفهمووون أشياء ما عرفناها إلا في الجامعة .. بس يمكن بعد يستوي .. بعد متولي حركات ههههه ..

====

أما عن الجذب بسبب الحسد و العين، لاحظت هالشي بدا ينتشر وااااايد الحين، الصراحة بعد مالومهم الناس ماتقوولي خــير، ماشي على لسانهم ماشاء الله .. ما تسمعين غير و الخيبة أو الشهقى أو والعثرة، يعني من هالكلمات، أنا هالناس ما أجذب عليهم بس أتحاشاهم في المواضيع اللي أخاف يصكووني فيها بعين ههههههه بس ما أجذب إذا إطريت أخبرهم شي أقول يعني مثلا وحده أعرف شوي عينها حاره تقولي كم نزل وزنج طبعا مارووم ألف و أدور أقوولها قولي ما شاء الله لأنه اللي نزلته مب شوي بس بإسلووب مصخره عشان ما تحسس .. أعطيهم مقدمات ههههههههه

بس الجذب منتشر ..

مـي يقول...

مهندستنا الحبيبة

ضربتي على الوتر

مشكلة الجذب الحين عجيبة غريبة ..

"والمؤمن لا يكذب.."

أنا لما أسمع اللي حولي وأحس كلامها مو راكب على بعضه ، اهز راسي وما اعلق ! وانا بقلبي ادري انها تكذب..
بس مالي خلق اناقشها ..

أما مشكلة البوي فريند !!
للأسف الحين صارت المسالة مو طبيعية
يا جماعة متى صاروا بناتنا جذي..!

بفهم شنو يعني بوي فريند!
ليش يعني مو كافيتها صداقات البنات!

وشنو هالصداقة البريئة مع البوي فريند!

ياربي تستر على بناتنا وتهديهم وتصلحهم وتهدي شبابنا ..

والله شي يعور القلب..

ebtsamh يقول...

البنت النظيفة معقدة !!

أهلا وسهلا بكل المعقدين ..

على فكرة ما يروج لمثل هذا التخلف الا

المتخلفين أنفسهم ..

نحن مجتمع محافظ ولازلنا نمسك

على نفسنا العفه والألتزام ..

على فكرا سالفه الجذب منتشره

واييييييد بشكل مخيف .. الله المستعان بس

وادراج هادف :)

reemas يقول...

ما عندي اي اضافة غير صح لسانج و اتفق معاج تماما
وفيتي و كفيتي

"والذي جاء بالصدق وصدق به أولئك هم المتقون"

OPENBOOK يقول...

تحية طيبة ...
تقولين ماعندي موضوع؟! وهذه القصة الجميلة من اين لكي؟!...
عموما الانسان تصاحبه فترات اسميتها الجفاف الفكري في موضوع تحليلي قبل شهرين تناولته بالمدونة...ذلك شيء طبيعي واعتقد انه من الممارسة الطبيعية تظهر المواضيع والاراء...
تحياتي الطيبة...

Hanan يقول...

يعطيج العافية وكل اللي قلتيه صحز

على طاري الجذب، ذكرتيني بسالفة لما كنت بالثنوي أذكر شريت بلوزة أديداس مسوين عليها خصم وخذيتها ب3 دنانير. لبستها مرة بالبدنية واليوم الثاني لبست غيرها جان تقولي وحدة- كله مناشبتني- شفتي بلوزتج! قلت اي، قالت خدامة أختي عندها نفسها رمادية وعطتني اياها! أنا انبلهت وانصدمت من ردها.. قلت ماشاءالله حتى خدامة أختج تعرف الماركات! وليش حضرتج خذيتيها منها، جان شريتي لج وحدة هي سكتت وماردت. أمبيه كله تقط صواريخ وأنا بس أضحك.
الحمدلله والشكر على العقد.

اختيارج لاسم متولي غريب :p
وصراحة والله صاجة لأن لي شافوا البنت ما تحش وما تتكلم وايد أو ما عندها هالسوالف قالوا مينونة أو معقدة. عسى الله يعقدهم إن شاءالله.

الجاحظ يقول...

ليس منا إلا و درس في الجامعة فوجدت الشباب ثلاثة أنواع ، إما المتدين الذي أبعده دينه عن الفتيات ، أو الشخص العادي النائي بنفسه عن البنات ، أو النوع الأخير المنتشر و المعروف ، لكن أيا من الأنواع الثلاثة صادفته معقدا أو شيئ من هذا القبيل ، و إنما المسألة غالبا ما كانت مسألة أهواء و اهتمامات ... أما هذه الفتاة التي انجرفت بهذا الشكل فمن المؤكد أنها تعاني اضطرابات شخصية .. هذا ما أراه ، إلا إن كانت بيئة البنات مختلفة إلى هذه الدرجة عن بيئتنا نحن الشباب :)

سعدت جدا بتواجدي بهذه المدونة الرائعة

أتمنى أن تقبليني كضيف دائم

Basees يقول...

الكذب آلية سهلة وهامة يستخدمها الإنسان لعدة مآرب، ليست كلها مذمومة. فمنها مثلاً لأغراض دفاعية يذود بها نفسه وغيره عن الخطر أو لتحقيق مصلحة ينتفع بها هو وغيره أيضاً.

المذموم في الكذب إذا استخدم لأهداف تسبب ضرر للآخرين أو حتى لنفسه، كما حدث في القصة التي ذكرتيها في موضوعك القيّم. وللأسف أن أكثر أنواع الكذب هو من هذا الصنف.

تحياتي

حَافِـيَةُ الَقَدمَيّـنْ ولِبَاسِي المَطـرْ يقول...

http://www.youtube.com/watch?v=R4gogprcarI

قالها علوش
معقده لأنها ما تغازل

غير معرف يقول...

قريت الموضوع أكثر من مرة بس ما فهمت، فممكن أعرف إيش السالفة لأن الموضوع مو واضح بالنسبة لي؟

غير معرف يقول...
أزال أحد مشرفي المدونة هذا التعليق.
غير معرف يقول...

الكذب الحين مو بس تفشى على مستوى الشعب ...حتى على مستوى الحكومات

هذا شي مؤسف ...لإن إن دل على شي فراح يدل على المستوى المتدهور للقيم والتربية والمبادئ بالمجتمع


واتصدقين ...موضوع البنت الشريفة واللي صاينه نفسها شفت أمثله عليه وااايدة ...ومن كثر ما تعاني هالبنت ...تبدأ تشك بقواها العقلية ...تشعر بأن هي الشاذة وليس المجتمع هو الشاذ ...

أتمنى الأهل يكون لهم دور أكبر في حياة البنت ...لأن بنظري اذا البنت لقت من يلتفت لها ويشبع العاطفة اللي تسكنها ...فماراح اتفكر بالboyfriend نفس موو منتشر حاليا ...

صراحة موضوعج شيق وودي أكتب أكثر وأكثر ...لأن هذا الموضوع من المواضيع اللي شاغلتني حيل الفترة اللي فاتت :)

تسلمين ومتابعة دايم :)

loy

7osen يقول...

القصة إللي في البوست تضحك
ههههه
حلو اسم متولي

....

وعموما كل إناء بما فيه ينضح

تحياتي لك

Amwaj يقول...

يعطيج العافية مهندستنا على هذا البوست العجيب :)

وصج الجذب صار شي مو طبيعي !

وإذا الستر صار معناه إن الإنسان معقد فآنا راضية أعيش معقدة

LOLLIPOP يقول...

صدقتي في كل كلمة قلتيها بعدي والله
هههههه ..

مافيه شي اسمه كذبه بيضا وخضرا
الكذب كذب واحياناً الواحد يبدا بكذبة
وتصير بعدين حياته كلها اكاذيب( كذب متسلسل)..

اسأل الله أن يثبت علينا العقل والدين..
في ظل تلك الأفكار المجرمة يجب ان نتمسك
بمادئنا واخلاقنا التي نفخر بها ..بالأخير نحن المنتصرون ..بأذن الله

الله لا يبلانا ويعافي العقول السقيمة

يسلمو حبيبتي عالموضوع الحلو
سي يا ^_^

mazyona يقول...

شر البلية ما يضحك
الله يعينها انشاءالله تعلمت البنت درس يفيدها بحياتها
والكذب أصبح داء بديرتنا

t7l6m.com يقول...

الكذب آفه واللي يمارسه أهو المعقد
ومشكله ضغط الأصدقاء وتأثيرهم مشكله عويصه
والقنابل اللي بالأخير(المدارس ،المستشفيات،المستوصفات،الحوادث)يستحق كل واحد منهم بوست مخصوص
شكرا لحسن إختيار الموضوعات اللي تفيد القاريء وبإنتظار المزيد

رورو الشخبوطه يقول...

موضوع مهم لانه ناقشتي اكثر من شغله فيه..

هالايام منتشره هالسالفه وحاشني طشاره اقصد اللي ماتكلم يعني معقده او شاذه ..

انا مرقني مخلين تفكير قديم خخخ.

بس ردي عليهم تفكيري قديم احسن من قليلة ادب :)

شسون عليه الحين !!

معقدة ولا قاطه نفسها ع الريال :\

ومشكوره..

Engineer A يقول...

she is me

مشكلة هالجيل الفراغ مثل ماذكرتي .. والأفضل لهم لو يشغلون وقتهم بشي مفيد يعود عليهم بالفايدة ويطور منهم شوي .. والله يحفظ عيالنا وعيال المسلمين اللهم آمين

شاكرة لج إثرائج العطر

دمتي بخير

Engineer A يقول...

BookMark

الله يهديهم يارب ..

أنا بعد تصادفني يومياً صواريخ أرض أرض .. مادري شصار بهالدنيا!

الله المستعان

مشكورة على التواجد الحلو

Engineer A يقول...

الجودي

أنا عاد للحين أعاني من جذب المحيطين فيني!

عندي ناس لي اليوم يجذبون بشكل مو طبيعي وبشكل يومي .. وأحياناً من كثر ما يجذبون ينسون انهم قايلين السالفة من قبل فيردون يقولونها مرة ثانية بس بجذبة غير!!

الله يعافيهم ولا يبلانا يارب

حياج الله ومشكورة على التواجد :)

Engineer A يقول...

AM.SA.CHANNEL

بالنسبة للجذب اللي الغرض منه ابعاد العين والحسد هم مرفوض ..

والأفضل مثل ما قلتي ان الواحد يتجنب الاجابة ومايرد على السؤال الموجه له بصورة مباشرة وممكن يلف ويدور من غير ما يجذب أو يضيع اللي جدامه بسؤال ثاني يشغله فيه! :))

والله يحفظنا ويكافينا شر العيون

دمتي بخير عزيزتي ومنورتني :)

Engineer A يقول...

مي


تأكدي مافي صداقة بين الرجل والمرأة ومستحيل استمرار الصداقة البريئة بينهم لو مهما طال الزمن.. والا جان ما نهى عنها دينا وحرمها ..

والله يحفظنا من كل شر

شاكرة لج اضافاتج واتفق معاج باللي قلتيه

دمتي بخير

Engineer A يقول...

ebtsamah

أأيدج بكل اللي قلتيه واتفق معاج 100% والله يحفظ بناتنا وبنات المسلمين

ويكافينا شر هالبشر

دمتي بخير

Engineer A يقول...

reemas

شاكرة لك دكتور على تواجدك ومشاركتك لي بالرأي والله يحفظ عيالنا وعيال المسلمين

دمت بود

Engineer A يقول...

OPENBOOK

تسلم على التواجد وشرفت المدونة بمشاركتك القيمة وحضورك الجميل

دمت بخير

Engineer A يقول...

Hanan

ضحكتيني على السالفة والله

صج مادام البلوزة مالت خدامتهم ليش تاخذها منها؟؟

وبعدين في شغلة ثانية الماركات بس محطوطة لنا؟؟ الخدامة مو بشر؟ والا مالها حق تلبس وتعيش مثلنا؟؟ هذا موضوع ثاني شكلي راح أخصص له بوست كامل لمناقشته..

الله المستعان

مشكورة عزيزتي على التواجد الحلو والخفيف

Engineer A يقول...

الجاحظ

حياك الله بمدونتي ويشرفني تواجدك ومتابعتك أكيد

كل الود :)

Engineer A يقول...

Basees

تسلم على التواجد والحضور أخوي

وأشكرك على مشاركتك القيمة وحضورك الرائع

دمت بخير :)

Engineer A يقول...

حافية القدمين ولباسي المطر

الله المستعان شوشو

والله يحفظكم يارب ويحفظ بناتنا وبنات المسلمين

دمتي بخير

Engineer A يقول...

غير معرف

الموضوع يناقش ظاهرة الكذب المتفشية في المجتمع وبين الناس ..

أي نقطة من الموضوع التي لم تكن واضحة بالنسبة إليكم؟؟

حياكم الله :)

Engineer A يقول...

لوياليتي

عزيزتي

مشكلة البنت المحافظة الشريفة والملتزمة بعاداتها وتقاليدها موجودة من زمان وتعاني منها البنت العفيفة في كل مكان.. في الشرق والغرب حتى

للأسف إن اللي تصون نفسها صارت معقدة وتعاني من اضطرابات نفسية .. واعتقد هالمشكلة ماراح يكون لها حل أبد !

أذكر في فترة دراستي بأمريكا .. سألني الدكتور سؤال غريب فعلاً!!

سأل الطلبة والطالبات على حد سواء ( منو اللي للحين محافظ على عذريته؟) !!

وطلب من الطلبة والطالبات اللي للحين محافظين على أنفسهم وللحين محافظين على عذريتهم بأنهم ما يستحون ولا يخجلون وعادي لو يقولون ويناقشون مشكلتهم واهو بيساعدهم على تخطيها!!


تخيلي صدمتي حزتها!! تخيلي نظرتهم شلون للناس؟ الحين اللي يحافظ على نفسه ويصونها صار يعاني من مشاكل ومعقد ويخجل انه يصرح بمشكلته لأحد؟؟!!

يعني شي يضحك ويضيق الخلق بنفس الوقت!

والله المستعان


مشكورة وايد وايد على التواجد والمتابعة ودوم ان شاءالله منورتني :)

كل الود

Engineer A يقول...

7osen

أهلين :)

من طول الغيبات ..

مشكور على التواجد والحضور وشرفتني بمشاركتك أكيد

كل الود

Engineer A يقول...

Amwaj

الله يعافيج ..

والله يحفظج ويخليج ويتمم عليج بعقلج ورزانتج واسم الله عليج من العقد ..ترى اهم المعقدين مو انتي

ودمتي بخير

Engineer A يقول...

LOLLIPOP

اللهم آمين ..

ومشكورة وايد على الحضور والتواجد الحلو

دمتي بخير

Engineer A يقول...

mazyona

حياج الله عزيزتي ومنوره الموضوع ..

غيبتي لفترة عسى المانع خير؟؟

ان شاءالله دوم هالتواصل الجميل

كل الود :)

Engineer A يقول...

t7l6m.com

القنابل الأخيرة في الموضوع متعسرة وعويصة وشكلها مالها حل بالمرة!!

الله المستعان


تسلم على التواجد

Engineer A يقول...

رورو الشخبوطة

تأكدي عزيزتي انج العاقلة فيهم واهم الميانين ..

واهم المعقدين متروسين عقد ومشاكل من راسهم لي ريلهم ..

الله يعافيهم ولا يبلانا يارب

موفقة على خير :)

November24 يقول...

والله حاله!
موضوع التعارف من راسه غير محبذ, فما بالج بالنت !
تدهورت أخلاق الناس ووصلت لي هالدناءة!
ما أقول الا الله يهديهم, والجذبة صارت ببيزة هاليومين!
الوضع يمرض .. الله يصلح الجميع

Samt♥AlbadoO يقول...

اول شي
صبآح الخير / مسـآ الورد =)

ثآني شي
اشحـآلج؟ عسـآج طيبه ^_^

ثآلث شي
ربيه يعطيج العـآفيه على البوست
وفعلا طريتي موآضيع منتشره وبكثره

الكذب صآر شي بسيط
صدقيني لو على كل كذبه يكذبهـآ الانسـآن يحصل العقـآب في وقتهآ
بيعتزلون الكذب لووووووول

واللسآن بدون عظم ترآآآه
لو بعظم بيعور الانسـآن وبالتـآلي مآ بيتكلم الا بالآزم والكلآم لي له معنـآآ بعد

امممم
الله يهديييهم
لا والحلف بعد ,, مستوين يحلفون حتى على الكذب
اوكيه بتجذبون ذنبكم على ينبكم
بس تحلفون على الجذب..!!!
خيبه
الله عزيز والحلف هب سهل
يتحرونه الا جيـه لو يدرون بعـآقبتـه اذا مب فالدنيآ فالآخره

والصرآحه زمنـآ هذآ احسه تجميع ذنوب اكثر من الحسنآت ,,

الله المستعـآن

ويعطيج العـآفيه يآ مهندستنـآ ^_^

اقصوصه يقول...

بصراحه قصه غريبه ومدهشه!

صدق اللي يعيش يشوف

ما اعرف ليش الناس مش مقتنعه

ان حبل الجذب قصير!

لولا الأمل يقول...

شر البليّة ما يضحك

الشيخ شاب راسها من هالسالفة :P


الله المستعان .. محتاجين وقفه مع الفكر

كل شاب وفتاة لازم يصنعون لأنفسهم فكر ومبادئ عشان يتحكمون بأمور الحياة

ما اقول الا

اشكو اليك

Hanan يقول...

صح والله وأنا كان ردي يبط الجبد بعد بس مفهوم قصدها كان بامكانها تقول أنا عندي بس شقصدج من الخدامة
والله كل ما قلت شي تقول خدامة أختي تعرف وخدامة أختي نفس هالجوتي تكرمين! بغيت أقولها أخاف انت اللي تشتغلين عندها خخ صج ردودها تنرفز وحتى الدلاغ تدقق عليه ماشاءالله عليها
ناطرة البوست :)

Seema* يقول...

حين يحترم الانسان نفسه ويقدرها لا يرضى لها بالذل أو بالإنحطاط. للأسف قد تستهين الكثيرات بقيمتهم أمام الضغوطات. تتخلى عن قيمها مقابل أن تثبت أن "كان" لها قيم. يا للخسارة!
الله يستر علينا وعلى بنات المسلمين

الله المستعان
:)

Hope يقول...

السلام عليكم

والله برافو عليج.. كاتبه الموضوع بطريقة عجيبه
هالزمن يخوف بصراحه، صار الصح غلط و الغلط صح
و الجذب منتشر بشكل كبير، الحين الواحد يتكلم ما تعرفين صجه من جذبه

الله يحفظ بناتنا من كل شر

OPENBOOK يقول...

تحية طيبة...
قرأت بالصدفة انكي مترددة في عمل الليزر!...العمر من 21-45 هو الافضل ولا تترددي في عملها ولكن تأكدي من الفحوصات الاولية لها...
دعائي لكي...

Engineer A يقول...

November24

الله كريم ..

ومشكورة على التعليق والمشاركة الحلوة

دمتي بخير

Engineer A يقول...

Samt AlbadoO

بيدنا نبدل هالذنوب والسيئات بحسنات كثيرة .. بس الناس صارت تمشي ورا أهوائها وما يحطون ميزان رب العالمين جدام عيونهم .. الله كريم

دمتي بود ومحبة

وحياج الله

Engineer A يقول...

اقصوصه

صدقتي والله

ومنورة عزيزتي

Engineer A يقول...

لولا الأمل

كلامك عين العقل

مشكور على التعليق الخفيف والحلو :))

دمت بخير

Engineer A يقول...

Hanan

خليها على الله..

أنا دايما ً إذا شفت حالات جذي أقول يارب عافيهم ولا تبلانا يارب

الحمدلله على كل حال

Engineer A يقول...

Sema

اللهم آمين ..


مشكورة على التواجد والتواصل

كل الود

Engineer A يقول...

Hope

الله يجزاج خير والله يصلح الحال ..

دمتي بخير

Engineer A يقول...

OPENBOOK

تسلم أخوي على النصيحة والاهتمام والله يجزاك ألف خير

~أم حرّوبي~ يقول...

كلامج ذكرني بحديث

قال رسول الله صلى الله عليه و سلم :
"يأتي عليكم زمان يصدّق فيه الكاذب و يكذّب فيه الصادق و يؤتمن الخائن و يخوّن الأمين و ينطق فيه الرويبضة "
قيل يا رسول الله و ما الرويبضة ؟
"قال التافه يتكلّم في أمور العامة"

أحس هذا اللي صاير الحين الموازين كلها مقلوبة ..وما نقول غير "أشكو إليك"

д7ℓάм يقول...

الكذب صار زي السلام عليكم
استغفرالله زي ماقلتي خاصه خوف من الحسد
ليشش وش هالعقليه وين حنا عايشين !!
لن يصيبنا الا ماكتب الله لنا
وبعدين الكذب حبله قصير راح تنكشف كذبتك اليوم,, بكرا ,, بعد بكرا ,, راح تبان الحقيقه


وبالنسبه لسالفه البوي فريند
بعد منتشره للاسف
الله يستر عليينا وعلى بنات المسلمين يارب
والله يكفينا شر من كان فيه شر

يعطيك العافيه بش مهندسه ^_^

غير معرف يقول...

يعطيج العافيه .. مهندستنا ..

موضوعج ضرب على الوتر فعلا ..

كذب .. كذب ... كذب ... وأرادوا تطوير الإسم فقالوا بهارات !!!!!!

بهارات حجي ... المصيبه صاروا يجذبون ويصدقون الجذبه !! عجبي ..

بانتظار المزيد مهندستنا

أختج / مريم <<< من بلاتينيوم :)

~حَدِيـثُ الفَـجْـر~ يقول...

يقولج " اذا اضطريت اتجذب جذبه وحده بسيطه ..راح تتاج اكثر من 40 جبذه ثانيه عشان ما " اتفركش " جذبتك الاولى
^_^

اييييه واايد ناس يجذبون ويشلخون .. المشكله لمن انتي تدرين ان الي جدامج يجذب واهوا يدري بعد وعلى الرغم من هذا الا انه يجذب :)

قلبتي المواجع بالدوام .. و الله يعينه على الزحمه وغثى الدراسه :(

الله كريم ...

^_^

q8 transs يقول...

السلام عليكم
لقد حاولت كتابة تعليق في موضوع "الكويت تصرخ" ولم استطع ذلك لخلل بالصفحة وقد حاولت ان انهبك لذلك .



وهذا هو التعليق الذي كنت قد احببت ان اضعه



صباح الخير
شيء مؤلم مؤسف بنفس الوقت
والله شي يعور القلب..وبكل صراحة بقول الي بقوله الحين..
نعم الكويـــت بلد الخير وفاتح بابها للكل..
ولكن في ناس ماتسوى..وفس ناس بس تبي تمص دك هالديرة الطيبة وتاخذ من خيراتها وتاكل الخضر واليابس وتمشي..
شوفي اختي انا ما أقول انه الحين كل الخراب بالأماكن العامة هو من قبل المقيمين ولكن أقول 99 بالمية او 90 بالمية نعم من المقيمين!!
لانه الكويتي ترا مهما بخرب قلبه بعوره مو لهدرجة يعني..
اما المقيمين بشكل موطبيعي..
ومو بس بتخريب الأماكن العامة..لا حتى بالشقق والمطاعم وغيره شوفيهم بالماي والكهرباء ولايهمهم..
كم وكـــــــم كافيه ومطعم دخلت الحمام فيه أعزكم الله ورأيت ا"السيفون" مخترب والمـــــــاي حيـــــيل رايــــــح !!
وإنصدمت..وبكذا مرة كنت اكلم وابلغ الموظف او المدير ..ويقول اوكي وكله حجي فاضيي..مرة اعتقد دخلت مطعم وبعد شهر رديت دخلته ونفس الخلل بالحمام اعزكم الله والماااااااي رايح !!
جم ساعة وجم يوم!! والله بغيت اذبح المدير يومها قلت له انت من صجكم من متى جذيي!! وين الجهات الحكومية المسؤولة وين البلدية الي ماتجيك على هالمطاعم وغيره ..!!

والله أختي شوفة عينج انتي وشوفة عينا لما نروح الأماكن العامة والحدايق منو فيها ؟؟اكثرها مقيميــن ..
ومزبليييين لج المكان..انا انسان اقول الحق لو على نفسي..
نعم فيه كويتين وايد نفس يسون الغلط بهالاماكن ولكن قليل,,
لانه خنكون واقعين الكويتي بالله بياخذ عيال ويروح يقعد على الواجهة الي تطل على الشارع فوق الزرع وجدام الرايح والرد بقعد اهله ويقعد يشويي !!
لووووووول اكيــــد لا..
بيستحي اكيد يسويها وبيقعد داخل بالصده وبمكان سنع ويا اهله ويسويها..
وانتوا تعرفون شلون طبع الكويتين
بعدين اغلبهم شاليهات وغيره ..
والله صج نااادر جدا ماشوف عايلة كويتية رايحه تشويي على البحر ..
وانا ما افتي ..
كل واحد على سبيل المثال يروح اي واجهة على البحر فيها حديقة يوم الجمعة ويشوف بعينه ..
والصور عندج فووووووق بعد خير دليل هههه

وفي ناس مقيمين لا حرام محترمين والنعم فيها لكن قليل..كما ذكرت لانه الغالبية مو هامهم شي لانه مو ديرتهم..


تدرون ليش؟
لانه من أمن العقوبة أساء الأدب..
وااااااايد ناس من دول عربية ومابي اذكر من وين تشوفونهم قاعد يهاجرون الى دول اوربية لكن اتحداكم يسون ربع الي يسونه يالكويت من تخريب!!
ليش لانهم عارفين شنو بكون مصيرهم اذا خربوا شي هناك !!
اما هنيي طايحين بربيع وطايحين له تخريب بتخريــــب غالبيــتهم في الأماكن العامة وفي الاسراف في الماء والكهرباء ناهيـــكم عن القيادة العجيبة بالشارع وجنا عباله ديرة ابوه ..!!

وماراح يفجووووون من ديرتنا الا لما ينشفوووونها على الاخر ..
لكن ما اقول الا الله يحفظ ديرتنا ويبعد عنها كل حاسد وحاقد يارب ويبعد عنها كل من يريد بها سوء.اللهم احفظ الكويت بلد امنا اللهم احفظ الكويت وشعبها.


حسبي الــله ونعم الوكيل
وأعتذر للإطالــــة لكن بالقلــــب حرة وموضوع يا عالوتر الحساس وصح سوالفهم لا الله ولا رسوله يرضى فيها.

تحياتي لج اخوج ،،
سالم

q8 transs يقول...

السلام عليكم
لقد حاولت كتابة تعليق في موضوع "الكويت تصرخ" ولم استطع ذلك لخلل بالصفحة وقد حاولت ان انهبك لذلك .



وهذا هو التعليق الذي كنت قد احببت ان اضعه



صباح الخير
شيء مؤلم مؤسف بنفس الوقت
والله شي يعور القلب..وبكل صراحة بقول الي بقوله الحين..
نعم الكويـــت بلد الخير وفاتح بابها للكل..
ولكن في ناس ماتسوى..وفس ناس بس تبي تمص دك هالديرة الطيبة وتاخذ من خيراتها وتاكل الخضر واليابس وتمشي..
شوفي اختي انا ما أقول انه الحين كل الخراب بالأماكن العامة هو من قبل المقيمين ولكن أقول 99 بالمية او 90 بالمية نعم من المقيمين!!
لانه الكويتي ترا مهما بخرب قلبه بعوره مو لهدرجة يعني..
اما المقيمين بشكل موطبيعي..
ومو بس بتخريب الأماكن العامة..لا حتى بالشقق والمطاعم وغيره شوفيهم بالماي والكهرباء ولايهمهم..
كم وكـــــــم كافيه ومطعم دخلت الحمام فيه أعزكم الله ورأيت ا"السيفون" مخترب والمـــــــاي حيـــــيل رايــــــح !!
وإنصدمت..وبكذا مرة كنت اكلم وابلغ الموظف او المدير ..ويقول اوكي وكله حجي فاضيي..مرة اعتقد دخلت مطعم وبعد شهر رديت دخلته ونفس الخلل بالحمام اعزكم الله والماااااااي رايح !!
جم ساعة وجم يوم!! والله بغيت اذبح المدير يومها قلت له انت من صجكم من متى جذيي!! وين الجهات الحكومية المسؤولة وين البلدية الي ماتجيك على هالمطاعم وغيره ..!!

والله أختي شوفة عينج انتي وشوفة عينا لما نروح الأماكن العامة والحدايق منو فيها ؟؟اكثرها مقيميــن ..
ومزبليييين لج المكان..انا انسان اقول الحق لو على نفسي..
نعم فيه كويتين وايد نفس يسون الغلط بهالاماكن ولكن قليل,,
لانه خنكون واقعين الكويتي بالله بياخذ عيال ويروح يقعد على الواجهة الي تطل على الشارع فوق الزرع وجدام الرايح والرد بقعد اهله ويقعد يشويي !!
لووووووول اكيــــد لا..
بيستحي اكيد يسويها وبيقعد داخل بالصده وبمكان سنع ويا اهله ويسويها..
وانتوا تعرفون شلون طبع الكويتين
بعدين اغلبهم شاليهات وغيره ..
والله صج نااادر جدا ماشوف عايلة كويتية رايحه تشويي على البحر ..
وانا ما افتي ..
كل واحد على سبيل المثال يروح اي واجهة على البحر فيها حديقة يوم الجمعة ويشوف بعينه ..
والصور عندج فووووووق بعد خير دليل هههه

وفي ناس مقيمين لا حرام محترمين والنعم فيها لكن قليل..كما ذكرت لانه الغالبية مو هامهم شي لانه مو ديرتهم..


تدرون ليش؟
لانه من أمن العقوبة أساء الأدب..
وااااااايد ناس من دول عربية ومابي اذكر من وين تشوفونهم قاعد يهاجرون الى دول اوربية لكن اتحداكم يسون ربع الي يسونه يالكويت من تخريب!!
ليش لانهم عارفين شنو بكون مصيرهم اذا خربوا شي هناك !!
اما هنيي طايحين بربيع وطايحين له تخريب بتخريــــب غالبيــتهم في الأماكن العامة وفي الاسراف في الماء والكهرباء ناهيـــكم عن القيادة العجيبة بالشارع وجنا عباله ديرة ابوه ..!!

وماراح يفجووووون من ديرتنا الا لما ينشفوووونها على الاخر ..
لكن ما اقول الا الله يحفظ ديرتنا ويبعد عنها كل حاسد وحاقد يارب ويبعد عنها كل من يريد بها سوء.اللهم احفظ الكويت بلد امنا اللهم احفظ الكويت وشعبها.


حسبي الــله ونعم الوكيل
وأعتذر للإطالــــة لكن بالقلــــب حرة وموضوع يا عالوتر الحساس وصح سوالفهم لا الله ولا رسوله يرضى فيها.

تحياتي لج اخوج ،،
سالم

Engineer A يقول...

Q8 transs

اخوي سالم شاكرة لك في البداية اهتمامك وغاريتك على الديرة ،، بالنسبة لتعليقاتك على موضوع الكويت تصرخ، فوصلتني التعليقات كلها وسمحت بنشر تعليق واحد منها لانها مكررة ولي عودة للتعليق على كلامك بالموضوع نفسه عن قريب

الصفحة مافيها خلل بس التعليقات ما تبين على طول الا بعد ما اسمح انا بنشرها وهالشي لدواعي امنيه :)

على العموم كثير شاكرة لك متابعتك وان شاءالله ارد على التعليق اللي حطيته بالتفصيل في موضوع الكويت تصرخ باجر بإذن الله

كل التقدير ،،

دمت بخير

Engineer A يقول...

أم حروبي

يعطيج العافية ومشكورة على المشاركة الحلوة وعلى الافادة ..

وما في ايدينا شي غير ان ندعي لأنفسنا ولهم بالهداية

والله المستعان

Engineer A يقول...

a7lam

الله يعافيج عزيزتي ..

والله يهدي الجميع يارب ..

دمتي بود

Engineer A يقول...

عزيزتي مريم

مشكورة وايد على تواجدج ومشاركتج الحلوة ..

أسعدتيني حيل بحضورج والله يديم هالتواصل

كل الود :)

Engineer A يقول...

يقولج " اذا اضطريت اتجذب جذبه وحده بسيطه ..راح تتاج اكثر من 40 جبذه ثانيه عشان ما " اتفركش " جذبتك الاولى
^_^

-----

صاجه والله .. ومشكورة حيل على المشاركة والتواصل

دمتي بخير

ناعمة الهمس يقول...

مقاله رائعة جدااااااا

رزنامــــــة يقول...

اعتذر لأني من زمـــــــــــــــان
ما مريت مدونتك فنرجو السموحة :)

وبخصوص الكذب فهو موجود من ازل الآزلين بس هاليومين احس ان زاد واصبحت الكذبات تاخذ بعد ثاني وثالث ويعيش فيها صاحب الكذبة ... بس عشان يكون شئ معتبر امام من يخدعه

مادرى انه قاعد يخدع نفسه

سلالالالام