تحذير: هذه المدونة تخضع لقانون حماية حقوق الملكية الفكرية، ونحذر من نشر أو نقل أي نص أو مقال دون نسبه للمؤلفة بأي وسيلة.







الأحد، 9 مايو 2010

بــلاد الــجــمـــال .. والـــمــــال .. والــشـــكـولاه!

مـــــرحبا !
في البداية أعتذر عن القطاعة وهالغيبة الطويلة ،،
؛
بس مثل ما نقول " من طول الغيبات جاب الغنايم" وأنا مكثرة من هالغنايم هالمرة! : )
؛
أحب أول شي أشكر كل من سأل عني و"فقدني" وأشكر لكل من انضم لمدونتي وزادها تشريف بمشاركاته فيها
؛؛
تذكرون موضوعي اللي طاف؟؟ عن المسؤولين وتسلطهم؟ وكنت بانتظار توقيع منهم؟؟
الموضوع الله يسلمكم إني ترشحت "بالغلط" << ركزوا على "بالغلط" لأن هالنوع من الترشيحات نادر جداً في وزاراتنا!!
؛؛
المهم ترشحت لمهمة رسمية خارج البلاد وكانت البلد سويسرا << عنوان البوست ظالمها والله!
ما أطول عليكم ،، اترشح لمهمة وما أروح؟؟ ما يصير هذي فيها قبايل! لذا << ركزوا على لذا
قلت مدام اني ترشحت ومدام ان هذي تعتبر فرصة ويمكن ما تتكرر علي طول سنوات عملي القادمة حبيت "أتشبث فيها" بيديني وأسناني مثل ما يقولون وما أتنازل عن حقي فيها!
وفعلاً لقيت إن "كبسولة" الحنة والرنة فعالة أكثر من فيتامين "واو" !! ومن غير واسطات ولا شي ..
نشبت بمكاتب المسؤولين ،، أعترف إني خذيت تقريباً 3 أسابيع على ما قدرت أخذ توقيعين بس!
المهم إني قدرت أحصل على هالتوقيعين آخر شي وتم لي ما أردت وتقررت السفرة بسرعة!
؛؛
؛
ويا فرحة ما تمت طلعت لنا سالفة البركان في ايسلاند وتأجلت السفرة أسبوع بس كانت خيرة وآخر شي سافرنا وردينا ولله الحمد
والأوضاع كلها عال العال!!
حبيت أوريكم جانب آخر مني وهواية أخرى عندي وموهبة ثانية غير موهبة الكتابة والتأليف
ألا وهي موهبة التصوير!
فأنا أعشق التصوير والكاميرا حيل .. وقبل السفرة رحت مخصوص واشتريت كاميرا احترافية وكان الناتج
؛؛
؛
الصور القادمة !



سبحان الخالق ، منظر رائع!



وردة منورة بين أوراق أشجار ميته!


صورة مو صج!




الورد جميل ،،


جميل الورد!













فضلت أتركـ بقية الصور من غير تعليقات وأتركـ التعليقات لكم! :)
ترقبوا البوست القادم ،،
؛؛
؛
يومــيـــــات مــهــنــدســة في ســـويـــســـرا!
؛؛
دمتم بخـــــيــــــــــر









هناك 57 تعليقًا:

chandal/danchal!! يقول...

الحمد لله على السلامة

ولهنا عليج وعلى سوالفج

خوش صور... نفس اللي يستخدمونهم بتغليف الككاو... تسلم ايدك


وعليج بالعافية السفرة بأناستها

:)

شاي الضحى يقول...

الحمدلله على سلااااااامتج

عاد قبل جم يوم قاعده اقول وينها غطت

اهم شي استانستي

وما شاءالله الصور تهبببببببل وترد الروح


ناطرين باجي الصور

شكرا :)

لولا الأمل يقول...

لوووول زيين تسوين فيهم .. منها تجربة يديدة ومنها سفرة

اي حدهم يبيلهم اللي يحن فوق روسهم .. احنا مشكلتنا ندور البعد عن الحنه وعوار الراس فما نراكض ورا شغلنا .. لعبتيها صح

زييين هالسفرة طلعت مواهب مخفية :P

الصورة الاولى وايد عجبتني .. ولاحظت انج تحبين الورد وايد !

شكلج استانستي هناك .. دوم ان شاالله

ولكم باك .. ومترقبين البوست القادم

Engineer A يقول...

chandal/danchal!!

الله يسلمج دييير .. والله يعافيج يارب

تسلمين :)

Engineer A يقول...

شاي الضحى

الله يلسمج يارب وأدري غطيت فترة واختفيت فيها عن الأنظار << يعني نيولوك :)

والله مو بس الصور ترد الروح ، كل شي اهناك يرد الروح!

دمتي بود

غير معرف يقول...

حمدلله على سلامتج:)

ماشاءالله شحلات الصور وياحلو سويسرا

صاجه الحنه والرنه تنفع أما الساكت ياكلون حقه ويعطونه لغيره ويمكن بكون غيره شخص مايستحق

Engineer A يقول...

لولا الأمل

ايي عاد احنا الحريم لا توصونا على الحنه ههه حنيت على المسؤول لين لاعت جبده ووقع لي كتابي!!

والله يسلمك يارب

بالنسبة للتصوير عندي صور وايدة غير "الورد" بس لأن منظره كان رائع ويجذب وبصراحة ماعندنا نفس وردهم علشان جذي صورته! :)

دمت بخير

Engineer A يقول...

q8-lawyer

الله يسلمج العام ترشحت "هم بالغلط" لدورة في دبي .. وكنت ماشية على الإجراءات ويعني قلت ما أحب انرفز المسؤولين وأحن عليهم أخاف يهونون بعدين وأفلس من السفرة! بس اللي صار اني فعلاً فلست من السفرة وماشفتها والسبب إني نطرت عليهم وعلى أساس الإجراءات ماشية وكتابي ظل حبيس الدرج لين طارت الطيور بأرزاقها وطارت السفرة!

عموماً نورتيني :)

كل الود

رورو الشخبوطه يقول...

الحمدالله ع السلامه..

وناسه ان شاءالله ماتكون اخر سفره ع حساب الدوام :)

وخوش صور ماشاءالله..

مشكوره..

Om Hrooby يقول...

الحمدلله على سلامتج
حلوين الصور ما شالله
عجبتني صورة القارب اكثر شي ^^
موفقة ..والحمدلله انج استانستي

دمت بود ~

الاوركيده يقول...

الحمد الله على السلامة

وعليج بألف عافية السفرة بصراحة القعدة بين الطبيعة والمناظر الحلوة تنسيج تعب اللي قبل كله

:*

BookMark يقول...

الحمدلله عالسلامة :)
وأهم شي ان الحنة والمراكض يابوا نتيجة ;)

ولهنا عليج والله

والصور حدهم وااو :))

تسلم ايدج .. وبانتظار مغامرات السفرة ;)

AlMai Port l ميناء الميّ يقول...

الحمدلله على السلامة :)
ماشاء الله خوش صور لكن تحتاجين بعض من التدريب أكثر, كتضبيط الفوكس في الماكرو والتقريب من الورود بصورة أكبر, لكن كمحاولة أولى فرائعه وتسلم ايدج وأتمنى أن الرحلة كانت ممتعة بقدر ما كانت عليه الصور من جمال.

Tekana يقول...

عليج بالعافيه هالسفره وتستاهلينها. وخلج علي اسلوب الحنه لان ماينفع معاهم الا جذي. وناطرين اليوميات. :)

bokeh of magic * يقول...

حمدالله على سلامتج

الصوور تشووووووق خصوصا الورد الابيض مشالله شي جميل =)

و بانتظار اليوميات ^^

thegameq8 يقول...

وناسه والصور أجمل
لاكني شخصيا ما أحب اسافر على حساب أحد
تحيه ود ومحبه
شكرا على ردك في مواضيعي المتواضعه فهن بنات افكاري فديتهٌن p;

Antonio يقول...

يا سلام يا بش مهندسااا

شنو هالموهبة المخشوشه ؟

سبحان الله المناظر سبحان الخالق

وما شاء الله لانج التقطي جمالها

كم اشتقنا لمواضيعك ...

وشكرا على السؤال انا الحمدالله بخير وصحة وعافية انتي شلونج وشلون سويسرا
الله يحفظج ان شاء الله وترجعين بالسلامة لنا يارب ..


دمتي بالف خير وحافظج الله

Sami يقول...

خوش سفرة عمل ..الله يعينج شكلج وايد تعبتي :)
ناطرين البوست القادم

الزين يقول...

الحمدالله على السلامه
وقرت عينا

وترى ينوله عليج ايد
ولج فريه كبر الدنيا

:**

عليج بالعافية سويسرا واهلها
تستاهلين اكثر

:*

نمووول يقول...

حمدلله على السلامة
تو ما نورت المدونة
جد افتقدناج
والصور خيال ..

تحياتي

Romia Fahed يقول...

حمدلله على السلامة .. دام غيبتج في سويسرا
عيل الله يزيد غيابج بـ سفرات بعد
تستمتيعن فيها وتردين لنا بالحامل والمحمول .

نصويرج فلّه .. عدسة طبيعية جدا
وجذابة للقطات عجيبة..

ناطرين البوست الياي .. لاتبطين

دمتِ لمن تحبي

Engineer A يقول...

رورو الشخبوطة

الله يسلمج يارب والله يسمع منج ويودوني مره ثانية سفرة بالخارج! :)

دمتي بخير

Engineer A يقول...

Om Harooby

الله يسلمج واي صورة القارب شوي أحسها Lonely

عموماً نورتيني :)

Engineer A يقول...

الاوركيدة

الله يسلمج ويعافيج بس مع الأسف انها "سفرة عمل" يعني يدوب قدرت أطل على جم مكان وماطولت :( ان شاءالله اليايات أكثر :)

دمتي بخير

Engineer A يقول...

BookMark

الله يسلمج يارب

وسياسة الحنه أدين فيها لزميلي اللي قالي لا تتنازلين عن شي لج والا لو علي جان خليت الأمور تمشي مثل ما اهي ويمكن جان ماحصلت لي هالرحلة !

وأهم شي المغامرات الياية :) ان شاءالله ما أطول عليكم فيها وتوله عليج العافية والله انتوا لكم وحشه

كل التقدير

Engineer A يقول...

Mai

الله يسلمج يارب

وبالنسبة للتصوير عمري ماراح أفكر فيه بصورة احترافية :) خليها مجرد هواية أفضل وفعلاً أنا للحين مو عارفة للكاميرا اليديدة ويبيلي اتعود عليها على ما اعرف طريقة استخدامها عدل ..

نورتيني :)

دمتي بود

Engineer A يقول...

Tekana

الله يعافيك يارب مشكور ماقصرت ..

تسلم على التواجد الطيب

دمت بخير

Engineer A يقول...

Being One

الله يسلمج يارب .. ومشكورة على التواصل والتواجد الدائم

دمتي بخير

Engineer A يقول...

thegameq8

بالنسبة للسفر على حساب "أحد" كله يعتمد على حساب منو بأسافر :)

يعني أنا رايحة بمهمة رسمية للدوام مو معقولة بأسافر على حسابي الشخصي؟

تسلم على التواجد والتواصل والله يخلي لك بنات أفكارك يارب :)

دمت بخير

Engineer A يقول...

Antonio


دوم بخير يارب ، والله يسلمك من كل شر ..

الحمدلله أنا راجعة من فترة ،، ومشكور وايد على التواصل والتشجيع .. بانتظار مواضيعك القادمة لآنك شوي مقصر بحق مدونتك مو؟ :)

كل التقدير

Engineer A يقول...

Sami

الله يسلمك ويعافيك ..

والسفرة فعلاً شوي كانت متعبة بس التعب الخفيف على القلب! :)

دمت بخير

Engineer A يقول...

الزين


الله يسلمج ويعافيج يارب وتوله عليج العافية والله

تسلمين وماتقصرين على هالكلام الطيب مو غريب على الزين :)

كل الحب والتقدير

Engineer A يقول...

نمووول

الله يسلمك يارب وماتفقد غالي وعزيز يارب ..

ولكم وحشه والله ،،

كل التقدير

Engineer A يقول...

رومية فهد

تسلمين يارب وجان زين كل ماصار عندهم شغل برا دزوني أخلصه لهم لوول

ان شاءالله ما أطول في البوست الياي ،، وأحطه لكم بأقرب وقت

دمتي بكل حب

Hadeel يقول...

صج صج فقدناج
أما الصور .. وايد وايد حلوين
بس ما راسلتينا من موقع الحدث!*^

ونترقبكِ دائما وأبدا

Engineer A يقول...

she is me


ماتفقدين غالي عزيزتي .. وتسلمين يارب على هالتواصل الحلو ..

وليش ما راسلتكم من قلب الحدث؟؟ اممم السبب "كنت في مهمة رسمية" وماكان عندي وقت! :)

ترقبي اليوميات وان شاءالله تعجبج

كل الود :)

Hope يقول...

مسا الخير

الف الحمد لله ع السلامه
من طول الغيبات ياب الغنايم
والله زين تسوين روحي استانسي غيري جو، و اذا السالفه فيها سفره و وناسه ما اوصيج، كل مره حني عليهم
=]

Crazy Girl in aGood Way يقول...

الحمدلله على السلامه

وماشالله المهمه يت في احلى وقت باوربا

وقت بدايه الربيع وطلعت الورد واللون الاخضر

الصور وايد حلوة وانتي الكاميرا مو اللي شريتيها :)

بالنسبه لي سويسرا احلى وانظف دوله اوروبيه بس ماقلتيلنا وين بسويسرا ؟


وناطرين التفاصيل

Engineer A يقول...

Hope

الله يسلمج يارب .. والله بالنسبة للوناسة مع الأسف ماكان عندي وقت زيادة وأغلب الوقت كنت بالمصنع :( بس على الأقل صارت لي فرصة استمتع فيها بالبراد والمناظر الطبيعية ولو لوقت قصير :)

حياج الله منورتني :)

Engineer A يقول...

Crazy Girl in aGood Way

الله يسلمج يارب .. وصج المناظر اهناك ترد الروح ..

كنا في زيورخ عاصمة الأعمال والتجارة والصناعة! :)


التفاصيل قادمة في البوستات اليايه ان شاءالله
منوره عزيزتي

دمتي بخير

Made n Q8 يقول...

الحمدالله على سلاامتج

ومبروووك الترشيح

والصور شي خيالي مشالله

وصاجه الحنه اتسوي شغلات بس يبيلها طوله بال :d

اقصوصه يقول...

صراحه الصور اكثر من رائعه

سويسرا مشهوره بطبيعتها

بس اكيد الوصف شي والشوف شي ثاني :)

الحمدلله على سلامتج الغاليه

واهم شي تكونين استانستي

واستفدتي من هالتجربه :)

Fishah يقول...

الحمدالله على السلامه

ادري انها شويه متأخره :)

ماشاءالله خوش تصوير :) كثري من هالصور الحلوه :>

ان شاءالله نشوف صور السفرات المهمات الرسميه اليايه :)

سلة ميوّة يقول...

يامسى العودات الحميده


حيالله من اقبل

و فقدناج يالغاليه

ولهنا على سوالفج...
وترى ترقبوا هذي تقلتني!!!


اقدع كل نص ساعه اجيك على مدونتج
اشوف نزل بوست ترقبو والا بعد

وكلش خيتج ماتمووت بالقصص:) والسوالف...

احنا ننطر البوست القادم على احر من الجمر...


حمدالله عالسلامة


على الهامش:

الصور روعه...ربي بارك

وايد حلو تصويرج...والمناظر عوار قلب:)

Sn3a يقول...

الله أبيييييي

عليج بالف عافيه
وناطرين

Yara يقول...

الحمدالله على السلامة الصور روعة

خاتون يقول...

ماشاء الله تصويرج حده رائع و بديع
كل ما ادور على صور ورود أحس انه الورد مبخوس حقه و بالذات صور الاند سكيب ما نلاقي وايد شي حلو بس صورج كلهم واااااو بصراحة و نسختهم على جهازي من كثر ما اهم حلوين
و إن شاء الله نشوف المزيد شكرا
و الحمد لله على السلامة
مع تمنياتي لك بالمزيد من التوفيق *_^

Engineer A يقول...

Made n Q8

الله يسلمج ويبارك فيج :)

ومشكورة على التواصل عزيزتي

كل الود

Engineer A يقول...

اقصوصه

الله يسلمج عزيزتي وصج الشوف شي ثاني :)

وتسلمين على التواصل

كل الود

Engineer A يقول...

Fishah

الله يسلمج عزيزتي ولا متأخرة ولاشي دوم منورة :)

والله يسمع منج يارب وتصير في مهمات رسمية ثانية قولي آمين :)

كل الود

Engineer A يقول...

سلة ميوه

الله يسلمج حبيبتي وان شاءالله تبشرين باليوميات عن قريب جداً :)

ردودج دائماً مميزة مثلج

كل الود والتقدير

Engineer A يقول...

sn3a

الله يعافيج يارب ..

تسلمين


دمتي بحب وخير

Engineer A يقول...

yara

الله يسلمج عزيزتي

ومشكورة على تواجدج الرائع

دمتي بخير

Engineer A يقول...

خاتون


عليج بالعافية الصور وفعلاً طبيعتهم سبحان الله مميزة وجميلة ..

تسلمين على التواجد والتواصل

كل التقدير

Ducati يقول...

لووول الصور بالضبط بالضبط مثل الجو بالكويت اليومين الي طافوا


منها للأعلى انشالله

بـــــقــشة يقول...

صباح الخير انجنيير
الحمدالله على السلامـة وعليج بالعافيه خوش تصوير وعساها عاده ماتنقطع ان شاء الله هالبوستات الي تشرح القلب على هالصبح :**

AM.SA.CHANNEL يقول...

مـــاشاء الله أنا عيبني الصور واايد .. تصويييرج حلو ماشاء الله ..

و نترقب يوميات 3 ..