تحذير: هذه المدونة تخضع لقانون حماية حقوق الملكية الفكرية، ونحذر من نشر أو نقل أي نص أو مقال دون نسبه للمؤلفة بأي وسيلة.







الأحد، 27 مارس 2011

كويتيات مزدوجات !








-"يمّه .. ودي اكلمج بموضوع مهم ممكن؟"


-" قول حبيبي فيك شي؟ صاير شي؟ قول يمّه خرعتني! "


- " لا يمّه شفيج اخترعتي! ماكو الا العافية .. كل خير ان شاءالله"


- "أشوه .. قول يمّه شفيك؟ شاللي شاغل بالك؟"


بتردد ..

-" يمّه أنا .. أنا .. قررت أكمل نص ديني .. وأبي اتزوج!"


-" ويه ! الله يفرح قلبك ياوليدي .. ياحلوه من خبر! هذي الساعة المباركة .. مابغيت! وتبيني اشوف لك بنت الحلال من أهلنا وربعنا ، والا حاط عينك على وحدة؟"


ابتسم بحرج

-" بصراحة أنا شايف وحدة .. زميلتي معاي بالدوام.. خوش بنت.. أدب وأخلاق وجمال .. بنت أياويد .. من شفتها يمّه حسيت انها اللي ممكن تكون زوجتي وأم عيالي!"


تضحك والدته برقة ..

-" اثاريك منت هيّن يا وليدان ! .. مدام بنت ناس وعاجبتك ليش لا يمّه؟ الله يجدم اللي فيه الخير .. اهي من بنته؟"

-" بنت فلان الفلاني .. ابوها ريال معروف .. صاحب أراضي وعقارات ..و .."

-" والنعم والله منو ما يعرفهم؟ ناس سمعتهم ذهب .. والواحد يتشرف بنسبهم.. باتوكل على الله واروح اخطبها لك!"

طبع وليد قبلة على راس والدته، وأسرع ليزف الخبر الى حبيبته..


****

في بيت أهل العروس


دخلت "زينه" بخطوات خجلة .. وابتسامة حياء تعلو ثغرها .. وبريق سعادة يتلامع في عينيّها ..


- " ماشاءالله تبارك الرحمن .. شهالجمال .. يازين ما اخترت ياوليدي .. تهبل اسم الله عليها"

احمر وجه وليد وابتسم بخجل، تدخلت العمة لتلطف الجو ..

-" كلج ذوق يا أم وليد .."

-" الا أقول أم "زينه" وينها؟ ما بينت؟"

-" مرت أخوي دكتورة مثل ماتدرين وكانت موجودة والله ومستعدة بس ياها اتصال من المستشفى.. عندها مريضة بحالة ولادة .. ماراح تطول ان شاءالله"

زادت ابتسامة أم وليد، فعروس ابنتها دكتورة فائقة الجمال، ووالدها رجل معروف ينحدر من عائلة عريقة ووالدتها دكتورة أيضاً .. وحمدت الله في سرها على هذا النسب الرائع!


دخلت إمرأة ذات تقاسيم شرقية جميلة، وملامح جذابة ،وابتسامة وقورة، وخطوات رزينة الى الغرفة..ألقت التحية على الجميع وقالت العمة:


-" أم وليد .. أعرفج على مرت أخوي .. الدكتورة "شهرزاد" أم زينه!"


وهنا تقلصت ملامح أم وليد وعلا التجهم وجهها، ردت بكلمات مقتضبة وغادرت مع ابنها بعد دقائق قليلة! 


*******

-" زواجك من هالبنت مستحيل يتم!"

-" ليش يمّه؟ شصاير؟ البنت ما عجبتج؟ ما كنتي طايره فيها من جم ساعه؟ ليش غيرتي رايج؟!"


-" وليد! انت صاحي؟! واعي للي قاعد تقوله؟ تبي تاخذ بنت الخدامة؟!"


-" خدامة؟! أم زينه دكتورة يمّه مو خدامة! شهالحجي اللي قاعده تقولينه؟!"

-" تبيني أنا أزوّج ولدي لبنت الهندية؟ أمها هندية ! تدري يعني شنو تاخذ بنت الهندية؟ تبينا نصير علج بحلوج الناس؟ قلوا بنات الديرة ومالقيت الا الهندية علشان تاخذها؟! ليش شقاصرك علشان تاخذ وحده مثلها؟"


-" يمّه! زينه كويتية أباً عن جد! مو هندية ! وشنو يعني أمها هندية؟ البنت شفتيها جمال ودلال وأدب وأخلاق ومن عايله معروفه وأهلها أياويد، شاللي قاصرها علشان ما تكون من نصيبي؟!"

-" أمها هندية! باجر لي خذيتها والله رزقك منها عيال ، راح تتحسف لما يعايرون عيالك وينادونهم يا عيال الهندية!"

-" يمّه الله يهداج أقولج "زينه" كويتية .. كويتية مو هندية شفيج الله يهداج؟! وأمها دكتورة مو خدامة! أمها خريجة طب نساء وولادة من جامعة بريطانية وعايشين اهي واهلها في بريطانيا من عمر وعندهم جناسي بريطانية حتى مو هندية! أبو زينه تعرف عليها وتزوجها لما كان طالب اهناك، شلون زينه تصير بنت خدامة!"


-" دكتورة .. والا مو دكتورة .. ماراح تاخذها يعني ماتاخذها! سمعت يا وليدان؟ ماراح تاخذها لو على قص رقبتي!!" 


*********


كانت هذه حكاية زينه ووليد التي لم يكتب لها النجاح! 

لمَ ينظر مجتمعنا نظرة دونية الى بعض الجناسي الآسيوية والأفريقية؟!

لِمَ لا تمانع بعض الأمهات من تزويج أبناءها الى فتيات -غير كويتيات- قد يكنَ أجنبيات أو عربيات ، أو يزوجن أبناءهم من فتيات كويتيات أمهاتهن عربيات أو أجنبيات ولكنهن يرفضن تزويجهم من كويتيات أمهاتهن آسيويات؟! 

ماذنب هؤلاء الفتيات؟ ولِمَ ينظر اليهن نظرة مشككة ومريبة؟!

لِمَ نحمل في رأسنا أن كل آسيوية (هندية، سيرلانكية، فلبينية، ييابانية ..الخ) هي مجرد خادمة؟! 


أمثال "زينه" كثيرون .. كويتيات ولسن بكويتيات

كويتية هندية 

أو 

كويتية فلبينية

أو 


كويتية سيرلانكية 


كويتية مزدوجة

لا هي بكويتية ولا هي آسيوية! 

من المسؤول عن تعاستهن؟ 


الأب؟ 

المجتمع؟ 


من؟ 


مشكلة كبيرة تعاني منها كثيرات .. كم فتاة وفتاة يتمتعن بالجمال الباهر 

والخلق الحسن 

والمكانة الاجتماعية الراقية 


ولكنهن .. موصومات بالعار .. ويهرب العرسان منهن

ليس لعيب ما فيهن ..

بل بسبب أمهاتهن آسيويات


كويتيات ولسن كويتيات 


ولازالت المشكلة مستمرة !  



هناك 53 تعليقًا:

LIVE يقول...

اولا: تحياتي العميقة لك ، فأنا من متابعين مدونتك و تعليقاتك لدى المدونات الاخرى :)
ثانياً: اسمحيلي ان اعبر عن اعجابي بطريقة طرحك :)

ثالثاً: كلامك صحيح 100% و هذي قصة من بين ألف قصة تكون نهايتها حزينة لأسباب سخيفة جداً... مثل الام مو كويتية .. العائلة مو اصيلة .. العائلة ما عنهم فلوس وايد و شركات و غيرها .. المعرس مو جامعي .. العروس مادري شنو فيها ... انا واحد من الناس اكره كل انسان يوقف بوجه اي اثنين يتزوجون و اذا الله رزق بناتي بأزواج عندي شرطين ( كويتي و يخاف ربه ) فقط

LIVE يقول...

اولا: تحياتي العميقة لك ، فأنا من متابعين مدونتك و تعليقاتك لدى المدونات الاخرى :)
ثانياً: اسمحيلي ان اعبر عن اعجابي بطريقة طرحك :)

ثالثاً: كلامك صحيح 100% و هذي قصة من بين ألف قصة تكون نهايتها حزينة لأسباب سخيفة جداً... مثل الام مو كويتية .. العائلة مو اصيلة .. العائلة ما عنهم فلوس وايد و شركات و غيرها .. المعرس مو جامعي .. العروس مادري شنو فيها ... انا واحد من الناس اكره كل انسان يوقف بوجه اي اثنين يتزوجون و اذا الله رزق بناتي بأزواج عندي شرطين ( كويتي و يخاف ربه ) فقط

LIVE يقول...

اولا: تحياتي العميقة لك ، فأنا من متابعين مدونتك و تعليقاتك لدى المدونات الاخرى :)
ثانياً: اسمحيلي ان اعبر عن اعجابي بطريقة طرحك :)

ثالثاً: كلامك صحيح 100% و هذي قصة من بين ألف قصة تكون نهايتها حزينة لأسباب سخيفة جداً... مثل الام مو كويتية .. العائلة مو اصيلة .. العائلة ما عنهم فلوس وايد و شركات و غيرها .. المعرس مو جامعي .. العروس مادري شنو فيها ... انا واحد من الناس اكره كل انسان يوقف بوجه اي اثنين يتزوجون و اذا الله رزق بناتي بأزواج عندي شرطين ( كويتي و يخاف ربه ) فقط

Engineer A يقول...
أزال المؤلف هذا التعليق.
t7l6m.com يقول...

فعلا هذي مشكله والمعاناة تقع اولا على البنت ووالدها
بالنهايه مجتمعنا لا يزال مجتمع تقليدي
ومع الأسف ابناء وبنات الاسيويات من آباء كويتيين هم الضحايا

مـي يقول...

موضوعج حساس يالحبيبة..

بصراحة .. إذا الواحد تزوج وعيـّل.. مالنا إلا نحترم زواجهم ونحطهم ع الراس ، يكفي انه بالحلال والله يوفقهم ويسخرهم لبعض..

لكن إذا لي الحين ما تزوج .. فأنا ما أأيد الشي هذا..

والمسألة مو عشان النظرة الدونية .. أساسا الجنسيات الثانية تنظر لنا بدونية باعتبارنا جنسيات أخرى :)

لكن الكفاءة مطلوبة..

الاحلام يقول...

لولا هذه التقاليد العمياء لاصبحت زوجتى يمنيه فقصه حبى كانت ليس لها حدود فحبيبة قلبى يمنيه
لهذا عشت هذه التقاليد واعرفها جيدا وهذا خطاء كبير فالحب لا يعرف الجنسيات ودائما ما تفشل زواجات لهذه الاسباب
دمتى اختى بخير انتى واهل الكيت جميعا
تقبلى تحياتى الاحـلام

krkor يقول...

تقريبا كل الكويتيين يعاملون وينظرون للغير كويتي بدونيه حتى امي تحاجيهم باسلوب مو حلو @@

يبيله حمله

Engineer A يقول...

LIVE

سعيدة بتواجدك أخوي أكيد .. ونورت المدونة بمشاركتك ..

عدل كلامك أخوي مشكلتنا بالمجتمع التقليدي واللي اعتبره متخلف صراحة لأن لا دينا دعا لهالتفرقة واهي مجرد عادات وتقاليد "بالية" يعني وصلنا لـ 2011 الى متى الاستمرار بالعقليات الرجعية وعصر "رجل الكهف" ؟

الله يحفظ لك بناتك ويبلغك فيهم يارب ويرزقهم بالأزواج الصالحين اللهم آمين

شرفتني أخي الكريم

كل الود

Engineer A يقول...

t7l6m.com

بالفعل هذا الحاصل .. سوء اختيار الآباء للأمهات ( والعكس) يجعل الأبناء هم الضحية ..

الله المستعان

كل الود

Engineer A يقول...

مي

بالتأكيد أنا معاج في اللي قلتيه .. والتكافيء الاجتماعي جداً مهم ومطلوب عند التقدم للزواج من حيث المكانة الاجتماعية والمالية والجنسية والديانة .. كل ما تقاربت هالظروف كل ماكانت فرصة الزواج بالنجاح أكبر ( بشكل عام ولا يمنع من وجود حالات خاصة)

لكن موضوعي مو هذا .. موضوعي شذنب الكويتية اللي أمها آسيوية؟ حالها حال اللي أمهاتهم سوريات - مغربيات - مصريات- استراليات - امريكيات ..الخ

ليش تتم التفرقة وبالنهاية اهي كويتية ولا تحمل جنسية أخرى؟

أدري ان تربية الغريبات تختلف عن تربية الكويتية لعيالها هذا شيء مفهوم بس أحس في ظلم بالمسألة .. وفعلاً يجب تسليط الضوء على هالنوع من القضايا علشان نتفادى المشاكل كثر ما نقدر بالمستقبل .. فالتوعية مطلوبة ..

شاكرة لج تواجدج .. ومنوره دوم :)

Engineer A يقول...

الاحلام


قضية محيرة .. وأمر محزن بالفعل ..

وصلنا الى عام 2011 والى الآن نجد هناك عقليات متحجرة .. وعادات بالية بعيدة كل البعد عن الدين الاسلامي ..

Engineer A يقول...

krkor


الغلط في معالمة هالناس بفوقية وتكبر .. اللي في قلبه ذرة كبر على الناس ما يدخل الجنة!

لازم نعلم عيالنا احترام البشر والتعامل مع اللي أكبر منهم باحترام وتقدير .. يكفي انهم ناس هادين ديارهم وبيوتهم وعوايلهم علشان يخدمونا ويحصلون لهم جم فلس يعيشون منه اهم وعيالهم ..

الله المستعان

مشكوره على التواجد حبوبه والله يحفظج

الجودي يقول...

أبرار اشلونج هذا تعليقي الثاني إذا الأول وصل خلاص لا تنشرين هذا :)

الذنب يا حلوة ذنب الأب إلي تزوج و هو يفكر بالحب و ما حسب حساب عياله و مدى تقبل المجتمع لهم ولا حسب حساب نفسياتهم و لا السنع و العادات و التقاليد إلي بيتربون عليها ... و بعيد عن الكلام الشفوي كناحية عملية لو كنت مكان الأم بيكون لي نفس الرأي مو علشان بنت الخدامه لآ علشان الثقافه و السلوك و الأخلاق إلي راح تنتقل لعيالنا لما ولدها يتزوج من جنسية مختلفه .. مع إن الهندية كملامح الأقرب للخليج لكن بالاطباع صدقيني مختلفين و عن تجربة شفتها تربيتها لعيالها وايد مختلفه ..
اتفق مع رأي مي دام الزواج ما تم لي الحق بالرفض الكفاءة مطلوبة جدا ..
و بشكل عام ما أايد الزواج من جنسية مختلفه اللهم إلا الخليجيه لكن غير هذا لآ .. و بعدين إذا عيالنا بنوردهم لبرة بناتنا منو بيتزوجون ؟؟؟ يا أختي حلات الثوب رقعته منه وفيه :)

Engineer A يقول...

الجودي

حبيبتي أنا معاج .. المشكلة ان البنت كويتية ومن عايله معروفة بس امها "هندية" ..

موضوع عن هالفئة من البنات .. كويتيات بالجنسية ولكن المجتمع يرفضهم مع انه يتقبل أخريات أمهاتهم جناسيهم عربية - تركية - يونانية - او اجنبية!

انا احمل الاب الغلط بالأول والأخير .. لكن الحين اللي صار صار.. والبنت كويتية ليش امنع الزواج؟ فاهمة قصدي؟

وعلى طاري حلات الثوب رقعته منه وفيه معاج 100% ولي بوست ثاني يناقش مشكلة زواج الكويتيات من غير كويتيين .. بصراحة الله يكون بعونهم :/

منوره يالغالية :)

AM.SA.CHANNEL يقول...

أنا كتبت مرة في هالموضوع، و رديت كله للأب لأنه هو السبب، هو يعرف كيف المجتمع ف ليش خذ أجنبية..

صح تحسين حرام شو ذنبهم لكن هذا الأب هو إرتكب هالغلط، ما فكر في باجر، قليل اللي متزوجين عن حب لكن الأغبية ماخذين هبات .. يعني على الموضة

نحنا كمجتمع خليجي بعده ما تفتح وايد في هالأمور، و المشكلة لو تلاحظين الشباب الحين أغلبهم ياخذون من كويتيات، لكن الشواب هم اللي كانوا ياخذون من أجنبيات ..

و اللي ما يعيبني و يعورلي قلبي يوم أسمع ساعات إنه الولد يكون معقد إنه أمه هندية و يدور وحده تكون أمها إماراتيه مب هندية،و المشكلة الحين الهندية يوم بتي تيوز ولدها بدال ما إدور بنت حق ولدها إدور أم البنت المهم تكون من جنسية ثانية مب إماراتية و إلا بيتم الرفض ..

BookMark يقول...

أعرف أشخاصًا أمهم من إحدى هذه الجنسيات الآسيوية .. عانوا من كل شيء تقريبًا منذ الدراسة وحتى مراحل متأخرة من عمرهم..
الآن الابن لا يفكر أصلا بالزواج من كويتية بل من نفس جنسية أمه!

لا ندري أهم ضحايا زواج صحيح لآبائهم، أم هم ضحايا مجتمع وعادات وتقاليد

..pen seldom يقول...

مساء النور

موضوعكِ حساس جداً ..

من فترة بسيطة سمعت عندنا عن ممرضة أو دكتورة " مو متأكدة " سعودية تعرفها احد أقربائي تزوجت من دكتور معاها في المستشفى من جنسية باكستانية !!

صراحة كان وقع الأمر صدمة بالنسبة لي !

يعني في القصة اللي قلتيها أن كويتي متزوج من هندية , فعلى الأقل راح ياخذون الجنسية الكويتيه ..
لكني أنا أيضاً أتوقع لو كنت مكان الأم راح أرفض ..

صحيح البنات مالهم ذنب , لكن بعض العادات والتقاليد تحتَم علينا الرفض .

والعرق دساس مثل ما يقولون ..

=)

موضوع رائع للطرح والمناقشة ..

Sami يقول...

وينها خنروح اتزوجها :).. أنا ما شدني الموضوع .. لان وايد تكرر بس بصور متعدده ..اللي شدني اسلوب عرض القصه و الحوار ..عيشتينا في الاحداث

Engineer A يقول...

آسفه أخوي سالم رفضت نشر التعليق بالغلط بس باسوي لردك كوبي من الايميل ..


ترانســـجندر وأفتخــــــر ،، اترك تعليقًا جديدًا على رسالتك "كويتيات مزدوجات !":

صباح الخير
لاحول ولاقة الا بالله موضوه يعور القلب بصراحة
ولكن وجب التدكير خاصة لمثل هؤلاء الاشخاص الدين يفرون بهدة الطريقة بحديث رسولنا الكريم صلى الله عليه وآله وصحبه أجمعين
بما معناه انه زوجوا من أرتضيتم به خلقا ودينا

وما قال رسولنا الكريم انه جنسية الفلانية او او اووو وغيره والعياد بالله من هالتفكير

وبصراحة اشوف انه ليس من البر ان يطيع الأبناء الوالدين في هدا الموضوع
لانه في هدة الحالة ممكن البنت او الولد يتزوجون باخرين لاحقا ولكن قلبهم مع شخص اخر وهدا حرام !!!!
الله يصلح اليعض ممن يفكرون بهالطريقة !
الله المستعان وموضوعج بالصميم ويستحق خمس نجوم بكل صراحة

واعتدر للبلديات لخطا في النظام في حرف الدال
دمت بود ،،

نشر
حذف
وضع علامة كغير مرغوب فيه

الإشراف على التعليقات الخاصة بهذه المدونة.

مرسلة بواسطة ترانســـجندر وأفتخــــــر ،، إلى Q8 DreamEr في 28 مارس, 2011 11:40 ص

منصور الفرج يقول...

المشكلة بالمجتمع كله .. المشكلة فينا هذه المواضيع تدخل تحت مظلة الثقافه
احنا بمنطقة الخليج عموماً لدينا عقدة الجماعة إلى الآن بصفتها المتعاليه و ليس بصفتها التكامليه ..

للأسف محنا قادرين نتخلص من ثقافتنا القديمة و بناء ثقافه جديده فوق القديمة و هذه اسباب نظرتنا لبعض الناس من غير منطقتنا


لج خالص احترامي و بنتظار البوست القادم

سفيرة المحبه يقول...

السلام عليكم ورحمة الله
مشكله اختي التقاليد هذي والله
سبحان الله دينا ما يفرق بين هذا عربي وهذا عجمي الا بالتقوى
كيف احنا نفرق ؟؟؟باي حق؟؟
سواء كويتيه اوهنديه او صوماليه حتى المهم انها مسلمه وتخاف الله
للاسف في ناس ثقافاتهم محدوده
ومجتمعنا هو الاخر ما يرحم..لا ادري لمتى والله..شي يقهر
اشكرك اختي على موضوعك الررائع
متألقه كعادتك
تحياااتي لك ^_^

رورو الشخبوطه يقول...

انا عن نفسي لو ايلي واحد امه غريبه ما احبذ اخذه الا اذا كان اسكت ..

مو عشانشي بس رتاح للكويتي القح اكثر ...

مع انه وايد غرب زينين وسنعين :\

تقدرين تقولين اهو موروث اجتماعي ..

Amwaj يقول...

قضية مهمة وحساسة بنفس الوقت بس للأسف مستمرة ومعقدة

أتوقع المجتمع بغروره أهوا السبب بهذي المشكلة

ما أقدر أقول غير لا حول ولا قوة إلا بالله والله الهادي

تسلمين على اختيار هذا الموضوع الانساني :)

بكرى احلى يقول...

ايش فيها لما
الاب يتزوج من هنديه
او سعودي من اي جنسيه ثانيه
اوالسعوديه او الكويتيه
من اي جنسيه مختلفه
مو كلنا بشر
موكلنا مسلمين في النهايه..

Engineer A يقول...

AM.SA.CHANNEL

انا بعد أحمل الأب مسؤولية اختياره بالكامل..

لكن ..

يا ناس يا عالم احنا بشر! ساعات الانسان مو بيده قلبه ويندفع ورا مشاعره ومايفكر بعقله ويلاقي نصه الثاني عند شخص ما يحمل نفس جنسيته شنو ذنبه؟ وشنو ذنبه عياله؟

اختيار "ذات النسب" مهم جداً صحيح .. بس في قضيتنا هذي المشكلة موجودة والاختيار وقع خلاص شنو ذنب الأبناء؟ ليش ينبذهم المجتمع؟

من حق الأبناء على والدهم انه يحسن اختيار امهم وأساميهم وأتمنى من كل شخص يفكر بهالنقطة عدل قبل لا يجزم ويختار اختيار ممكن يخليه يندم بالمستقبل ..

والله المستعان

Engineer A يقول...

BookMark

مو هذا اللي صاير .. انتي قلتي الولد ممكن ياخذ وحده من نفس جنسية أمه أو غريبة حتى بس مو كويتية .. ماراح يضره وعياله بتبعونه ويشيلون اسمه ..

لكن البنت شتسوي؟ تروح تتزوج بعد غريب لأن ولد ديرتها ما يبيها؟ بجذي راح تكبر المشكلة أكثر ويصعب حلها أكيد ..

بصراحة كان الله في عونهم

Engineer A يقول...

pen seldom

وأنا بعد مرت علي مثل هالحالات ..

بنت معانا بالشغل تزوجت لها باكستاني !

ووحدة تزوجت لها ايطالي .. وثانية تزوجت تركي.. وعندنا نسبة لا بأس فيها من الكويتيات اللي متزوجين غير كويتيين سواء عرب أو أجانب واهني المشكلة أكبر! راح اناقش هالموضوع في بوست آخر .. والله المستعان

Engineer A يقول...

Sami

لوووول انت للحين ما تزوجت؟ :/


الله يرزقك بنت الحلال اللي تناسبك وتسعدك عاجلاً غير آجلاً اللهم آمين .. اللي بعمرك عيلوا بسك عزوبية ( شعندها يدتك لوول)

بالتوفيق

Engineer A يقول...

ترانسجندر


القضية مو قصة عاطة الاهل او لا .. المشكلة ان أحياناً يعجب شاب بوحده وتعجبه أخلاقها وروحها ويتقدم لها .. وبمجرد ما يعرف ان أمها من جنسية آسيوية يكش ويهون!

ما أقول الا الله يعينهم ... وغرضي من طرح هالموضوع اهو تسليط الضوء على هالمشكلة وتوعية الشباب وحثهم على حسن اختيار زوجاتهم اللي راح يكونون امهات لعيالهم بالمستقبل علشان يتركد ويفكر قبل لا يجدم على اي خطوة ممكن تخليه يندم بعدين ..

اما عن رأيي الشخصي فأنا أعتقد مثل ماقال عليه أفضل الصلاة والسلام " لا فرق بين عربي أو أعجمي إلا بالتقوى" وكلنا بنرجع للتراب ونوقف جدام الله سبحانه وتعالى سواسيه .. محد أحسن من احد الا بأعماله ! والله المستعان

Engineer A يقول...

منصور الفرج

صحيح المشكلة في المجتمع .. في ثقافتنا .. نظرتنا للأمور وحكمنا عليها ..

لو تلاحظ ان في الدول المتقدمة ما يلتفتون لأهل الأمور لأنها ما تشكل لهم أهمية .. أما في مجتمعاتنا نلتفت لتوافه الأمور زنعطيها أكبر من حجمها وبدال ما نستغل أوقاتنا بالمنفعه نستغلها بالقال والقيل!

ما اقول المجتمعات الغربية مثالية لا بالعكس يمكن يعانون من مشاكل أكثر منا .. لكنهم ما ننكر ان أغلب تصرفاتهم انسانية ويحث عليها الاسلام .. اهم ما ينقصهم الا الدين اللي اهو عندنا .. واحنا ما تنقصنا الا ثقافتهم!

متى ما تغيرت أفكارنا .. تغيرت ثقافتنا وارتقينا أكيد

Engineer A يقول...

سفيرة المحبة

يا اختي في ناس مع الأسف يعتقدون انهم فوق الجميع .. في ناس ما تقبل حتى بالزواج من ناس بحجة الأصل والفصل .. التكافيء الاجتماعي مطلوب أكيد ومهم لنجاح اي حياة ااسرية ولكن التفرقة بين الناس غلط والله مايرضاها ..

عادات وتقاليد أكثر منها مفاهيم اسلامية .. والمشكلة هالعادات والافكار متوارثة بين الأجيال والله العالم متى راح تتغير!

Engineer A يقول...

رورو الشخبوطة

شي طبيعي .. الكويتية تبي الكويتي

والمصرية تبي المصري .. واللبنانية تبي اللبناني .. كل شخص يبي انسان من نفس بيئته وجلدته أكيد .. لكن أحياناً النصيب يكون شيء غير متوقع .. في بنات يتأخر زواجهم ومحد يتقدم لهم من نفس جنسيتهم فتضطر تتزوج غريب علشان تنستر ويصير عندها ضنى .. يعني ما ينلامون ..

مشكلتنا نفكر بنفسنا بس .. وما نحط أنفسنا بمكان هالناس .. يعني أنا وحدة من الناس لو كنت بمكان هالبنت وألقى الناس تتجنب الاحتكاك فيني وكل ما تقدم لي شخص يتراجع بسبب كون أمي هندية أو يابانية او فلبينية راح احتر وانقهر وازعل بعد .. وماراح ارضى اكيد .. وانتي لو مكانها اكيد بتزعلين عدل؟ ما اقول الا الله المستعان

Engineer A يقول...

Amwaj

فعلاً القضية حساسة ومو سهلة ابد .. واتمنى من كل شخص يفكر 100 مرة قبل لا يختار شريكة حياته .. ويفكر لي البعيد في عياله وشنو اللي ممكن يواجهونه من المجتمع علشان ما يندم بعدين ..

Engineer A يقول...

بكرى أحلى

هذا اللي قاعده أقوله يا اختي .. بس وين اللي يسمع؟!

مجتمع منغلق على نفسه يعيش بأفكار جاهلية .. الله المستعان

الليوان يقول...

موضوع حساس ومعقد انجنيرا

ورأي في هالموضوع ما أتوقع راح يعجب أحد..
لأنه راح يكون عنصري

بس فعلا مشكوره لطرحج هالمواضيع لأنها تبين لج نظرة أفراد المجتمع للعديد من الامور اللي تهم شريحه ليست بالقليله من الكويتيين..

تقبلي مروري..

ابراهيم رزق يقول...

لان يتقدم العرب الا اذا تخلوا عن نعرتهم القبلية الزائفة

يهمنى الانسان و لو مالوش عنوان

تقبلى مرورى للمرة الاولى
خالص تحياتى

Bange Rahil يقول...

Hi
I'm Muslim but I do not understand Arabic that much, so I'm writing in English
You can find free Islamic sonant flashes in my page

http://eydad.blogspot.com

daloo3a يقول...

السلاام عليكم ورحمة الله وبركاته

والله انا اشوف السبب في هالموضوع التخلف العقلي اللي في مجتمعاااتنا

احس ماله خص البنت من وين تكوون ولا بنت منو أهم شي تكون بنت خيره و تحافظ على زوجها و بيتها
يعني معظم البنات اللي هن مثلاا كويتيات او اماراتيات او من اي جنسية ثانيه بس يكون بطن و ظهر من هالجنسيه مش مخلوطات ولاا شي
مايكون فيهن خير

يعني هالريال يوم تزوج هنديه و كيف طلعوا عيالها ؟؟ أدب و أخلااق
والله اشوف اللي مب خليجيين اييبون صدق عيال و نعم العيال
اما اللي يتزوج خليجيه ثلااثة أرباعهم ولله الحمد غير شكل
و الربع يعني زينيين

ماعرف ليش كل هالتخلف في مجتمعاتنا
والله حرام
مالهن ذنب البنات
يعني انا بكون وحده منهن ؟؟!! :\

من زماااان يوم الناس كانوا يتزوجون ماكانوا يعرفون اي شي عن البنت غير انها خلوقه و بنت زينه و بس و بعد الزواج يعرفون منو بنته
بس احين لاا :(

همس الحنين يقول...

صباح الورد ابرار
وسوري على التأخير وبجد مادري كيف كنت غايبة عن مدونتك الرائعة بفكرك الراقي ..
عزيزتي ..للأسف نظرة المجتمع عمرها ماتتغير يعني ايش ذنب بنت كاملة والكامل وجه سبحانة يعني كويتية اباً عن جد مستواها المادي والاخلاقي ممتاز سمعتها زينه معروفين العايلة بحسن الخلق ويجي رفض للزواج بس عشان امها هندية ولا فلبينية ولا غيره للأسف لازم يكون فيه ترفع اكثر بعدين لو كل بنت ماتزوجت بس عشان امها مو كويتية او مو سعودية او اسيوية يعني تجلس بدون زواج او تتزوج من عايلة امها مثلاً ...
صدقيني المشكلة مشكلة عادات ماتتغير اعرف عايلة عندنا في السعودية كان رفض الزواج من قبل الجد رغم موافقة الاب والبنت والولد كانو متفقين ولاخر لحظة كان رفض الجد حاسم طبعاً بأسم العادات ..
موضوع راقي ابرار ومحتاجة وقفة مطولة
بجد كنت سعيدة بوجودي هنا
وراح اكون متابعة لكِ دائماً
دمتِ بسعادة
تحياتي

بـــــقــشة يقول...

مشكله الام الاجنبيه يعاني منها الابناء بالكويت ويسبق موضوع تاثيرها على زواجهم تاثيرها عليهم في صفوف الدراسه بين الناس في التجمعات العائليه .
يجب ان يتخطاها الابناء والاقتناع بانهم غير مسؤلين عن النظره القاصره للمجتمع.

شكرا لعرضك مشكله حساسه بهذا الاسلوب السلس.

لولا الأمل يقول...

الغريب إننا ننبذ العنصرية واحنا من أشد ممارسينها !!

مو بس الآسويين ! لو زينه أمها " سوده " بترضى أم وليد ؟

احنا ندرس برّه ونستنكر الوضع اذا شاهدنا عنصريه ضد السود او المسلمين او .. الخ

لكن اذا ردينا وتقدم احد من هالاعراق حق اهلنا نرفض ! قمة في التناقض !

نحن نعيش في أعراف أوجدها المجتمع على الرغم من نبذ الاسلام لها !

فان شالله تتصلح هالمفاهيم شوي شوي بمجتمعنا !

اسلوب جذّاب كالعادة .. كل الشكر اختي ابرار

Engineer A يقول...

الليوان

أنا ما ألومج ولا أغلطج .. منو فينا ما يحمل بعض التحيز والعنصرية بداخله؟ مع الأسف صعب جداً نتخلى بسهولة عن المباديء والعادات اللي ربينا عليها واللي زرعها المجتمع وغرسها فينا .. موروثات متأصلة جذورها ممتدة حيل بداخلنا ..من جذي حطيت هالموضوع .. "أما آن لنا أن نتغير؟"

اخت عزيزة ونورتيني بتواجدج ..

ودي

Engineer A يقول...

ابراهيم رزق

العروبة التي تتجرد من انسانيتها لا نريدها!

شرفتني بتواجدك أخي الكريم

Engineer A يقول...

Bang Rahil


Thank you !

:)

Engineer A يقول...

daloo3a


شوفي في حالات - بس مع الأسف نادرة جداً - لكنها موجودة وما اقدر انكرها تزوجت فيها البنت اللي أمها آسيوية من شخص بنفس جنسيتها وعاشت حياة مستقرة .. لكنها مثل ما قلت حالات قليلة والغالبية يعانون بالتأكيد من هالمشكلة ..

أتمنى من كل قلبي تتغير نظرة الناس لهم وينظرون للأمور نظرة عقلانية وواعية وحكيمة ويتركون عنهم التحيز والتعصب

والله المستعان

Engineer A يقول...

همس الحنين

قلتي " نظرة المجتمع عمرها ماراح تتغير"

الحين كل شي تغير في مجتمعاتنا العربية .. لبسنا .. أكلنا .. ثقافتنا .. كلامنا .. حياتنا .. شمعنى وقف التغيير على هالشي بس؟

الله المستعان ومشكورة وايد حبوبة أتشرف بمتابعتج لي أكيد ..

كل الود

Engineer A يقول...

بقشة

صحيح شفنا وايد أطفال كبروا وبداخلهم مشاكل نفسية بالجملة بسبب هالقضية ونظرة المجتمع لهم وبسبب معايرة اقرانهم بالمدرسة لهم فترسبت هالأمور بداخلهم واقدر اقول تحطموا نفسياً قلة منهم قدر يواجه المجتمع ويصمد ويحقق اللي يبيه بس الغالبية مغلوب على أمرها ..

الله يعينهم والله وشاكرتلج مروروج الراقي

Engineer A يقول...

لولا الأمل

أخوي طلال احنا العرب شنو تاخذ منا غير الكلام؟ فالحين وشاطرين بالحجي .. بياعين كلام وبس .. شعارات زائفة .. ننبذ الطائفية والقبلية واحنا أول ناس ندافع عنها!


هالشي قاعدين نشوفه حالياً أمامنا خصوصاً بالأحداث السياسية .. كل شخص نادى بدحر الطائفية والعنصرية تلقاه أول واحد يدافع عن قبيلته أو طائفته حزة الصجية دفاع مستميت وانحياز كبير حتى لو كان اللي يدافع عنه خطأ !

وين المباديء عيل؟ وين لا للطائفية؟!

هالموروثات أخوي طلال صعب تروح في يوم وليلة اقدر اتفهم هالشي وترى مثل ما في ناس تنظر للهنود او اي جنسية ثانية نظرة دونية هم هالجنسيات ممكن احنا مانعجبها وتنظر لنا بنفس النظرة .. يعني لا نشوف حالنا وايد على الناس بالنهاية كلنا بنرجع لنفس المكان اللي ينا منه .. والله المستعان

ومشكوور وايد على اضافتك ومشاركتك ولعل وعسى ترتقي مجتماعتنا بيوم من الايام!

أجمل تحية

مها العباسي يقول...

المشكله بصورة عامه فى عدم استطاعتنا النظر للشخص على انه انسان دائما نحاول فرض الطبقات والتصنيفات بالرغم من ان يكفى "الانسانيه" وحدها لتكون تعريف ووطن وجنس

ماجد القاضي يقول...

السلام عليكم أختي أبرار..

لم أستطع تجاوز هذا البوست لأهمية القضية التي يطرحها بالفعل...

صراحة أنا أعرض أي قضية على ميزان الشرع، والشرع هنا يقول بلا جدال أن المفاضلة الوحيدة بين الناس هي على أساس التقوى في المجال الأخروي؛ فلا يحتقر إنسان إنسانا اعتقادا منه أنه أفضل منه.. هذا في مجال العبادة!!!
لكن مع ذلك الشرع لم يهمل الأعراف والأوضاع الاجتماعية.. ذلك أن ديننا الحنيف دين واقعي نزل للبشر وليس للملائكة، فتجدي أن من أسباب طلاق (زيد) من (زينب بنت جحش) رضي الله عنهما ما تعرضت هي له من إيذاء نفسي لأنها تزوجت عبدا سابقا، وهي ذات نسب شريف... وعوض سيدنا (زيد) بإكرامه بذكر اسمه في القرلاآن صريحا..!

إذن في مجتمعاتنا (حيث هذه القضية لها اشباه في المجتمعات العربية الأخرى) هناك
أعراف يجب الانتباه إليها.. مثل هذه الحالة، فيفضل التعامل معها بروية مع محاولة التوضيح وإزالة الجهل، فإذا لم يستطع الشخص ذلك فلا يعالج المشكلة بمشكلة أكبر منها؛ لأنه إن أصر على زيجته تلك، فهذا لن يوقف ولن يمنع الإيذاء النفسي الذي سيتعرض له أولاده بعد ذلك...

إذن نحن بين دورين أو مجالين للعلاج:
1- علاج طويل المدى: مزيد من التوعية للمجتمع على أسس شرعية.
2- علاج قصير المدى (اضطراري): تفهم المحب للأعراف وعدم مصادمتها إلا إن كان يستطيع، وهؤلاء قلة نادرة..

أرجو أن تكون وجهة نظري واضحة.

AM.SA.CHANNEL يقول...

ترا هذي هي شو ذنب العيال، و مهما كان أنا أحمل المسؤولية الأب..

لأنه نحنا كخليجين غير عن باق يالدول العربية، مهما تفتحنا بعدها في أشياء تحتاج إلى وقت طـــويل عشان تتغير ..

ابن السور يقول...

السلام عليكم

لا مثالية
علينا ان نتقبل تقلبات المزاج
واختلافات الثقافات والفهم
رائعة .. سأتابعك ان شاء الله