تحذير: هذه المدونة تخضع لقانون حماية حقوق الملكية الفكرية، ونحذر من نشر أو نقل أي نص أو مقال دون نسبه للمؤلفة بأي وسيلة.







الثلاثاء، 29 يونيو 2010

موسم الهجرة في الكويت قد بدأ!!




الصـــيــــف قــرب .. والســـفــر حــــان طـــاريـــه !
موسم الصيف .. موسم الهجرة في الكويت! آلاف العائلات الكويتية تهاجر في هذا الموسم
هربــا ً من حرارة الجو الشديدة ،، والسموم والواهي!!
؛؛
أصبح السفر "ضرورة لابد منها" لأغلب الكويتيين سواء في موسم الصيف (اللواهيب) أم في أوقات أخرى!
فما أن نحصل على عطلة حتى وان كانت ليومين أو ثلاث، نجد المطار يعج بالمسافرين من كل مكان!!
؛؛
في عطلة الربيع : سفر
؛؛
في العطلات الوطنية والرسمية : سفر
؛؛
في الأعياد الدينية ( عيديّ الفطر والأضحى المباركـ) : سفر!!
؛؛
في عطلة الإسراء والمعراج: سفر
؛؛
في عطلة السنة الهجرية: سفر
،،
في عطلة السنة الميلادية: سفر
؛؛
في الويك اند: سفر!!
‘‘
ما أن نسمع بوجود إجازة ما، حتى نهرع للسفر!!
ألم يقولوا أن للسفر سبع فوائد؟ إذاً فنحن شعب نعرف الكثير والكثير نتيجةلأسفارنا الكثيرة!!
؛؛
يظــل ويبقى ،،
؛؛
؛؛
فصل الصيف هو موسم الهجرة أعني موسم السفر الرئيسي في الكويت
؛؛
لذا ...
فقد آن الأوان .. ودقت الساعة .. وبدأ العد التنازلي لعائلتنا ..
علينا بلملمة "قشنا" .. وتسكير جناطنا .. والانتهاء من بعض الأمور الضرورية والطارئة التي لا تظهر الا حزة السفر!!
هذا احنا كل سنة نفس المشكلة ونفس المعاناة!!
؛؛
ما تتسكر الجناط الا حده بده !! قبل السفرة بيوم وأحيانا ً بنفس اليوم!!
؛؛
ما نروح نخلص أغراضنا للسفر إلا قبل السفرة بيوم أو يومين!!
؛؛
كل مرة نقول راح انام امبجر .. ونقعد مبجر .. وبالأخير لا من نومنا ولا اللي رحنا مبجر!!
؛؛
مدونتي كويتية .. وتعشق السفر :)
؛؛
؛؛
لذا أعلن عن إغلاق المدونة بسبب موسم الهجرة الذي اجتاحنا بقوة ..
؛؛
على أن التقي بكم - إذا الله أراد- بعد شهر من الآن ..
؛؛
دمتم بحفظ الله ورعايتة
؛؛
م. أبرار الغصاب

هناك 67 تعليقًا:

حَافِـيَةُ الَقَدمَيّـنْ ولِبَاسِي المَطـرْ يقول...

لاء :(
تصير فيني حاله اكتئاب
لما اشوف الديره فظت

لول بالسلامه إنشالله

غير معرف يقول...

تروحين وترجعين بالسلامة يارب
ولا تنسين الصوغة :)

غير معرف يقول...

تروحين وتردين بالسلامة^^

سنشتاق لكِ ولحروفكِ

she is me

AlMai Port l ميناء الميّ يقول...

بالسلامة ان شاء الله, قريباً سوف تخلى الديرة والبلوجر كذلك p:
ديري بالج على روحج ..

AM.SA.CHANNEL يقول...

ليش عاده شهر وااااايد، تعلي طلي علينا لو شوي .. !!

و عن سفركم .. لول نحنا حافظين تقريبا مواسم زيارتكم لدبي إلكم أيام معينه تونا و من إسبوعين ماشاء الله عنا كويتيين بس على 7 أعتقد بيخفون و بيبدون السعوديين ..

و السفر حلو، و الشي الحلو في السفر يلم العايلة كلها وكلنا نفس الطلعة و الدخله .. و من غير الترفيه و تردين مرتاحه و مستانسه ..

يالله إستـــــــــانسي و إنشاء الله تريديلنا و كلج حمـــاس ..
بنتوله على سوالفج الصراحة ..

الزين يقول...

عسى ربي يسمح دربكم ويرزقكم خير الطريق ويبعدكم عن وعثاءه

راح افقدج يالغالية

:*

غير معرف يقول...

بالسلامة =)

Queen alwazzan يقول...

troo7en w terj3een bel salamah ya rab ;*

Engineer A يقول...

حافية القدمين ولباسي المطر

الله يبعد عنج الهم والاكتئاب .. يلا ماعليه علشان تشتاقين لنا :)


الله يسلمج يارب .. ألقاج على خير

Engineer A يقول...

قلم ومساحة

ان شاءالله من عيوني :)

والله يسلمك/ يسلمج ، ثانكيوووو

Engineer A يقول...

she is me


تشتاق لج العافية عزيزتي وأنا والله اللي بافتقدكم والله ..

موفقة يارب، ألقاج على خير

Engineer A يقول...

Mai

مو قلت لج موسم هجرة؟ :))

ان شاءالله الكل يقضي وقت حلو وسعيد سواء بالديرة والا برا


كل التقدير

نورتي :)

Engineer A يقول...

AM. SA.CHANNEL

ههههه ياحلو دبي والله ، دبي طال عمرج مو الحين حزتها ..نطريني بس ان شاءالله ناوية اروح لها بالشتا اذا الله اراد << مو قلت لج كويتيين لازم ندبر لنا سفرة :))


الله كريم ،،


ان شاءالله أحاول اطل عليكم اذا قدرت بإذن الله وموفقة يارب

ألقاج على خير

Engineer A يقول...

الزين


تسلمين والله ومشكورة على هالدعوة الحلوة منج وعساج ما تفقدين غالينج حبيبتي ..

Engineer A يقول...

Snowdrop


الله يسلمكم مشكورين :)

Engineer A يقول...

Queenalwazzan

الله يسلمج عزيزتي

وإجازة سعيدة لج بعد :)

المورقة عبير !! يقول...

تروحي وترجعي بالسلامة

ستشتاق إليكِ هذه المدونة

وسنشتاق لإطلالتكِ علينا

وسننتظركِ

تحياتي

BookMark يقول...

صاجة السفر صار بكل وقت
وماأأيد السفر بالشتا
شتانا حلو، متى نستانس بالكويت اذا سافرنا حزة الجو الحلو؟! ;)

بس بالصيف أقول للجميع سافروا p;

تروحين وتردين بالسلامة يالغالية

Unique Girl يقول...

لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

ابي اسافر معاها ولا ماتسافر لووووووول

والله راح اشتاق لكتاباتج ابرار :( :( :(

الله يوفقج وارتاحي واخذي وناستج بالعطله وان شاء الله راده وبقوه

غير معرف يقول...

تروحون وتردون بالسلامه ياااارب


وإجازه سعيده :)

رورو الشخبوطه يقول...

تروحين وتردين بالسلامه..

Crazy Girl in aGood Way يقول...

حتى بالايام العاديه تصير السفرات

وياثقل لما تيين تسوين الجنطه

اذا خذيتي وايد علقتي على بنطرون وقميص واذا قللتي تحسفتي ليش ماخذيتي اكثر لوووووول

تروحين وترجعين بالسلامه وراح نشتاق لبوستاتج :)

بـــــقــشة يقول...

يا عساها اجازة هنيه وتردين بعدها بكامل نشاطج وتألقج ..
لاطوليين علينا وعزائنا الوحيد ان من طول الغيبات ياب الغنايم
وكل ماتكتبينه غنيمة وشوفتج مكسب يا انجنيرتنا .

استودعتج الله :**

Antonio يقول...

بالسلامة يا بش مهندسا

تروحين وترجعين بالسلامة ان شاء الله

بس عسى ما يطلعج كوري هالمره :)


بالسلامة ان شاء الله
وبانتظار العودة

Sami يقول...

بحفظ الله و رعايته

الليوان يقول...

تروحين وتردين بالسلامة
حافظج الرحمن
واستودع الله دينكم وامانتكم وخواتيم اعمالكم

Made n Q8 يقول...

رحله موفقه

تروحين وتردين بالسلامه

~أم حرّوبي~ يقول...

انا جذي زعلت ...شهر وااااايد ><
عاد مرينا لا تنسين
حتوحشيني يا أمر ^^

يالله تروحون وتردون بألف سلامة وإن شالله تستانسين يارب ^^

شاي الضحى يقول...

تروحون وتردون بالسلامه

:)

Engineer A يقول...

المورقة عبير!!

وأنا بعد راح أشتاق لكم ولتدويناتكم أكيد ..

تسلمين والله ما قصرتي


بالتوفيق يارب

Engineer A يقول...

BookMark

والله صاجه ياحلو الجو بالكويت في الشتا .. صج ان كلها شهرين بس هم نعمه :)

ومشكورة عزيزتي .. ألقاج على خير

Engineer A يقول...

sarooOOn

هههههه حياج الله سوسو معانا .. تكفي الطيارة :)

وأنا بعد باشتاق لكم وايد وان شاءالله ألقاكم على خير :)

Engineer A يقول...

q8-lawyer

الله يسلمج من كل شر يارب


مشكورة عزيزتي

Engineer A يقول...

رورو الشخبوطة

تسلمين والله ومشكورة ..

ألقاج على خير بإذن الله

كل الود

Engineer A يقول...

Crazy Girl in a Good Way

اييي والله صاجه الجناط عباله .. انا ودي ما أخذ معاي هدوم وايد علشان أعبي الجناط من اهناك :)))

وما يندرى والله للحين ما سويت شي باخليها على التساهيل :)

القاج على خير يارب

Engineer A يقول...

بقشة

الله يسلمج يارب ويخليج ..

وودي أعرف انتي منو من البنات اللي أعرفهم :))


كل الود

Engineer A يقول...

Antonio


فال الله ولا فالك !! مع اني متأكدة لابد ما اصادف كوري والا اثنين لأنهم ماشاءالله بكل مكان بالعالم! :))

بس تبي الصج عاد؟؟ استانست بديرتهم!


ذاك اليوم كنت بالافنيوز والا اشوف عائلة كورية واحد ومرته وولدهم بغيت اروح اسلم عليهم بالكوري واقولهم "أنيو هاسايو" بس استحيت !! :))))

مشكور وما قصرت

القاك على خير

Engineer A يقول...
أزال المؤلف هذا التعليق.
Engineer A يقول...

Sami

مشكور وما تقصر

كل الود

Engineer A يقول...

الليوان

جزاكم الله خير ..

كل التقدير

Engineer A يقول...

Made n Q8


الله يسلمج عزيزتي

ألقاج على خير بإذن الله

لولا الأمل يقول...

لوووووول

ايي والله .. الديرة فضت .. انا رديت وتوهقت مافي احد :P

لوول !

تروحين وتردين بالسلامة ان شالله

Have Fun

: )

Engineer A يقول...

أم حروبي


شأسوي والله .. الظروف جذي بعد :)

بس ان شاءالله اذا قدرت طليت عليكم مني والا مناك بموضوع "تحفه" هههه


حتوحشوني كتير كتير بعد

وصج راح افتقد تدويناتكم :(

القاج على خير

Engineer A يقول...

شاي الضحى

الله يسلمج عزيزتي

ومشكورة


كل الود

Engineer A يقول...

لولا الأمل


هههههه عارفه الشعور اللي تمر فيه الحين .. أنا قبل كنت مستحيل ارد الكويت بالصيف .. لآني أدري ماراح ألقى أحد وامشيتها صيفي :)) وكانوا أهل الكويت اهم اللي ايونا !!


أحلى شي الكويت بعطلة كريسميس الجو حلو والكل موجود :))


الله يسلمك يارب ومشكور

ألقاك على خير

chandal/danchal!! يقول...

من كثر ما قمت اكره فترة ما قبل السفر قمت اروح اييد ورا واييد جدام واشتري كل شي اذا وصلت المنطقة اللي قاصدتها


بالسلامة ابرار وحتوحشينا

enjoooooy

:))))

غير معرف يقول...

تروحين و تردين بالسلامة إن شاءالله:)
أنا مرتبة جنطة اللاب توب و الكتب حق الدوام باجر :p

سلة ميوّة يقول...

ياعساها رحلة سعيده


تروحين وترجعين بالسلامة يارب



وراح نشتاق لج وايد وايد


ربي يحفظج ويحميج




وترى شكل المدونة عجيييييييب



حبي:**

غير معرف يقول...

تروحين وتردين بالسلامة

رحلة سعيدة :*)

أماني

captain khalid يقول...

تروحين وترجعين بالف سلامة.. have fun

الجودي يقول...

أتمنى لج و لأسرتج رحلة سعيدة و مثمرة

و إذا على تقفل آخر الوقت عندنا و عندج خير

تروحين و تردين لنا سالمه يا الغالية

اقصوصه يقول...

اجازه سعيده اتمناها لج غاليتي

بس ما خبرتينا

وين الوجهه؟

basees@bloggspot.com يقول...

أعتقد أن السفر عند أهل الكويت أصبح عادة وهواية أكثر منه للحاجة. للأسف أنها هواية مكلفة مو كل واحد يتحملها. يبقى اللي مايقتدر على السفر يدور له على هواية أخرى ليقضي فيها عطلته .. جمع الطوابع مثلاً؟

juvebizkit يقول...

انا قاعد بدق مسمار ماني متحرك
بناضل هني <<< غصب يبي يحب ديرته -_-

تروحين و تردين بالسلامه انشالله :)

غير معرف يقول...

تسافرين وتردين بالسلامه يارب ..
بتوحشينا وتدويناتك الحلوه..
موفقه يارب .

Al Pacino يقول...

تروحين و تردّين بالسلامه إنشالله ..
ديري بالج على نفسج و من الحين أقولج عدّي جم مره راح تقولين يا حلو الكويت لو وين ما نروح ..

دمتي بألف خير

Engineer A يقول...

chandal/danchal

الله يسلمج يارب .. وما يوحشج غالي حبيبتي :)

Engineer A يقول...

hopeless sight

الله يسلمج عزيزتي ..

وشدي حيلج والله يعينج على الدوام بالحر :)

Engineer A يقول...

سلة ميوه


الله يسلمج من كل شر يارب

والله تسعدني ردودج الحلوة والراقية مثلج أكيد

كل الحب والتقدير لشخصج الكريم

دمتي بألف خير

Engineer A يقول...

أماني


الله يسلمج حبيبتي ..

كلج ذووووووق

:)

Engineer A يقول...

كابتن خالد

تسلم ما تقصر والله

Engineer A يقول...

الجودي

مشكوره على الامنيات الطيبة .. وتقفل آخر لحظه صار سمه وشي متعارف عليه ومتوقع بعد :))

الله كريم ..

كل الود والتقدير

Engineer A يقول...

اقصوصه

تسلمين عزيزتي ..

وبالنسبة للوجهة اهي المفضله عندي كل صيف ما احب غيرها :))

أمريكا p;

Engineer A يقول...

Basses

اممممممم فعلاً السفر صار عندنا عاده أكثر منه احتياج او راحه ..

وعلى جمع الطوابع ما اعتقد يمشي سوقها بالكويت :)

تسلم على التواجد

كل الود

Engineer A يقول...

juvibzkirt


للحين ودي اعرف شنو يعني الاسم المستعار الخاص فيك !! :)


الله يسلمك مشكور على التواجد .. واعجبتني وطنيتك :)

Engineer A يقول...

رندا الجنوبية

الله يسلمج والله ومشكوره على التواجد الحلو والتمنيات الطيبة

دمتي بخير

Engineer A يقول...

الباتشينو

الله يسلمك اخوي

وبالنسبة للكويت .. ديرتي ومالي غناة عنها بس كل ما امشي اهني اقول حسافه عليج ياكويت .. مادري شناقصنا علشان نصير من أحسن الدول؟؟

الله كريم

كل التقدير