الصـــيــــف قــرب .. والســـفــر حــــان طـــاريـــه !
موسم الصيف .. موسم الهجرة في الكويت! آلاف العائلات الكويتية تهاجر في هذا الموسم
هربــا ً من حرارة الجو الشديدة ،، والسموم والواهي!!
؛؛
أصبح السفر "ضرورة لابد منها" لأغلب الكويتيين سواء في موسم الصيف (اللواهيب) أم في أوقات أخرى!
فما أن نحصل على عطلة حتى وان كانت ليومين أو ثلاث، نجد المطار يعج بالمسافرين من كل مكان!!
؛؛
في عطلة الربيع : سفر
؛؛
في العطلات الوطنية والرسمية : سفر
؛؛
في الأعياد الدينية ( عيديّ الفطر والأضحى المباركـ) : سفر!!
؛؛
في عطلة الإسراء والمعراج: سفر
؛؛
في عطلة السنة الهجرية: سفر
،،
في عطلة السنة الميلادية: سفر
؛؛
في الويك اند: سفر!!
‘‘
ما أن نسمع بوجود إجازة ما، حتى نهرع للسفر!!
ألم يقولوا أن للسفر سبع فوائد؟ إذاً فنحن شعب نعرف الكثير والكثير نتيجةلأسفارنا الكثيرة!!
؛؛
يظــل ويبقى ،،
؛؛
؛؛
فصل الصيف هو موسم الهجرة أعني موسم السفر الرئيسي في الكويت
؛؛
لذا ...
فقد آن الأوان .. ودقت الساعة .. وبدأ العد التنازلي لعائلتنا ..
علينا بلملمة "قشنا" .. وتسكير جناطنا .. والانتهاء من بعض الأمور الضرورية والطارئة التي لا تظهر الا حزة السفر!!
هذا احنا كل سنة نفس المشكلة ونفس المعاناة!!
؛؛
ما تتسكر الجناط الا حده بده !! قبل السفرة بيوم وأحيانا ً بنفس اليوم!!
؛؛
ما نروح نخلص أغراضنا للسفر إلا قبل السفرة بيوم أو يومين!!
؛؛
كل مرة نقول راح انام امبجر .. ونقعد مبجر .. وبالأخير لا من نومنا ولا اللي رحنا مبجر!!
؛؛
مدونتي كويتية .. وتعشق السفر :)
؛؛
؛؛
لذا أعلن عن إغلاق المدونة بسبب موسم الهجرة الذي اجتاحنا بقوة ..
؛؛
على أن التقي بكم - إذا الله أراد- بعد شهر من الآن ..
؛؛
دمتم بحفظ الله ورعايتة
؛؛
م. أبرار الغصاب
هناك 67 تعليقًا:
لاء :(
تصير فيني حاله اكتئاب
لما اشوف الديره فظت
لول بالسلامه إنشالله
تروحين وترجعين بالسلامة يارب
ولا تنسين الصوغة :)
تروحين وتردين بالسلامة^^
سنشتاق لكِ ولحروفكِ
she is me
بالسلامة ان شاء الله, قريباً سوف تخلى الديرة والبلوجر كذلك p:
ديري بالج على روحج ..
ليش عاده شهر وااااايد، تعلي طلي علينا لو شوي .. !!
و عن سفركم .. لول نحنا حافظين تقريبا مواسم زيارتكم لدبي إلكم أيام معينه تونا و من إسبوعين ماشاء الله عنا كويتيين بس على 7 أعتقد بيخفون و بيبدون السعوديين ..
و السفر حلو، و الشي الحلو في السفر يلم العايلة كلها وكلنا نفس الطلعة و الدخله .. و من غير الترفيه و تردين مرتاحه و مستانسه ..
يالله إستـــــــــانسي و إنشاء الله تريديلنا و كلج حمـــاس ..
بنتوله على سوالفج الصراحة ..
عسى ربي يسمح دربكم ويرزقكم خير الطريق ويبعدكم عن وعثاءه
راح افقدج يالغالية
:*
بالسلامة =)
troo7en w terj3een bel salamah ya rab ;*
حافية القدمين ولباسي المطر
الله يبعد عنج الهم والاكتئاب .. يلا ماعليه علشان تشتاقين لنا :)
الله يسلمج يارب .. ألقاج على خير
قلم ومساحة
ان شاءالله من عيوني :)
والله يسلمك/ يسلمج ، ثانكيوووو
she is me
تشتاق لج العافية عزيزتي وأنا والله اللي بافتقدكم والله ..
موفقة يارب، ألقاج على خير
Mai
مو قلت لج موسم هجرة؟ :))
ان شاءالله الكل يقضي وقت حلو وسعيد سواء بالديرة والا برا
كل التقدير
نورتي :)
AM. SA.CHANNEL
ههههه ياحلو دبي والله ، دبي طال عمرج مو الحين حزتها ..نطريني بس ان شاءالله ناوية اروح لها بالشتا اذا الله اراد << مو قلت لج كويتيين لازم ندبر لنا سفرة :))
الله كريم ،،
ان شاءالله أحاول اطل عليكم اذا قدرت بإذن الله وموفقة يارب
ألقاج على خير
الزين
تسلمين والله ومشكورة على هالدعوة الحلوة منج وعساج ما تفقدين غالينج حبيبتي ..
Snowdrop
الله يسلمكم مشكورين :)
Queenalwazzan
الله يسلمج عزيزتي
وإجازة سعيدة لج بعد :)
تروحي وترجعي بالسلامة
ستشتاق إليكِ هذه المدونة
وسنشتاق لإطلالتكِ علينا
وسننتظركِ
تحياتي
صاجة السفر صار بكل وقت
وماأأيد السفر بالشتا
شتانا حلو، متى نستانس بالكويت اذا سافرنا حزة الجو الحلو؟! ;)
بس بالصيف أقول للجميع سافروا p;
تروحين وتردين بالسلامة يالغالية
لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
ابي اسافر معاها ولا ماتسافر لووووووول
والله راح اشتاق لكتاباتج ابرار :( :( :(
الله يوفقج وارتاحي واخذي وناستج بالعطله وان شاء الله راده وبقوه
تروحون وتردون بالسلامه ياااارب
وإجازه سعيده :)
تروحين وتردين بالسلامه..
حتى بالايام العاديه تصير السفرات
وياثقل لما تيين تسوين الجنطه
اذا خذيتي وايد علقتي على بنطرون وقميص واذا قللتي تحسفتي ليش ماخذيتي اكثر لوووووول
تروحين وترجعين بالسلامه وراح نشتاق لبوستاتج :)
يا عساها اجازة هنيه وتردين بعدها بكامل نشاطج وتألقج ..
لاطوليين علينا وعزائنا الوحيد ان من طول الغيبات ياب الغنايم
وكل ماتكتبينه غنيمة وشوفتج مكسب يا انجنيرتنا .
استودعتج الله :**
بالسلامة يا بش مهندسا
تروحين وترجعين بالسلامة ان شاء الله
بس عسى ما يطلعج كوري هالمره :)
بالسلامة ان شاء الله
وبانتظار العودة
بحفظ الله و رعايته
تروحين وتردين بالسلامة
حافظج الرحمن
واستودع الله دينكم وامانتكم وخواتيم اعمالكم
رحله موفقه
تروحين وتردين بالسلامه
انا جذي زعلت ...شهر وااااايد ><
عاد مرينا لا تنسين
حتوحشيني يا أمر ^^
يالله تروحون وتردون بألف سلامة وإن شالله تستانسين يارب ^^
تروحون وتردون بالسلامه
:)
المورقة عبير!!
وأنا بعد راح أشتاق لكم ولتدويناتكم أكيد ..
تسلمين والله ما قصرتي
بالتوفيق يارب
BookMark
والله صاجه ياحلو الجو بالكويت في الشتا .. صج ان كلها شهرين بس هم نعمه :)
ومشكورة عزيزتي .. ألقاج على خير
sarooOOn
هههههه حياج الله سوسو معانا .. تكفي الطيارة :)
وأنا بعد باشتاق لكم وايد وان شاءالله ألقاكم على خير :)
q8-lawyer
الله يسلمج من كل شر يارب
مشكورة عزيزتي
رورو الشخبوطة
تسلمين والله ومشكورة ..
ألقاج على خير بإذن الله
كل الود
Crazy Girl in a Good Way
اييي والله صاجه الجناط عباله .. انا ودي ما أخذ معاي هدوم وايد علشان أعبي الجناط من اهناك :)))
وما يندرى والله للحين ما سويت شي باخليها على التساهيل :)
القاج على خير يارب
بقشة
الله يسلمج يارب ويخليج ..
وودي أعرف انتي منو من البنات اللي أعرفهم :))
كل الود
Antonio
فال الله ولا فالك !! مع اني متأكدة لابد ما اصادف كوري والا اثنين لأنهم ماشاءالله بكل مكان بالعالم! :))
بس تبي الصج عاد؟؟ استانست بديرتهم!
ذاك اليوم كنت بالافنيوز والا اشوف عائلة كورية واحد ومرته وولدهم بغيت اروح اسلم عليهم بالكوري واقولهم "أنيو هاسايو" بس استحيت !! :))))
مشكور وما قصرت
القاك على خير
Sami
مشكور وما تقصر
كل الود
الليوان
جزاكم الله خير ..
كل التقدير
Made n Q8
الله يسلمج عزيزتي
ألقاج على خير بإذن الله
لوووووول
ايي والله .. الديرة فضت .. انا رديت وتوهقت مافي احد :P
لوول !
تروحين وتردين بالسلامة ان شالله
Have Fun
: )
أم حروبي
شأسوي والله .. الظروف جذي بعد :)
بس ان شاءالله اذا قدرت طليت عليكم مني والا مناك بموضوع "تحفه" هههه
حتوحشوني كتير كتير بعد
وصج راح افتقد تدويناتكم :(
القاج على خير
شاي الضحى
الله يسلمج عزيزتي
ومشكورة
كل الود
لولا الأمل
هههههه عارفه الشعور اللي تمر فيه الحين .. أنا قبل كنت مستحيل ارد الكويت بالصيف .. لآني أدري ماراح ألقى أحد وامشيتها صيفي :)) وكانوا أهل الكويت اهم اللي ايونا !!
أحلى شي الكويت بعطلة كريسميس الجو حلو والكل موجود :))
الله يسلمك يارب ومشكور
ألقاك على خير
من كثر ما قمت اكره فترة ما قبل السفر قمت اروح اييد ورا واييد جدام واشتري كل شي اذا وصلت المنطقة اللي قاصدتها
بالسلامة ابرار وحتوحشينا
enjoooooy
:))))
تروحين و تردين بالسلامة إن شاءالله:)
أنا مرتبة جنطة اللاب توب و الكتب حق الدوام باجر :p
ياعساها رحلة سعيده
تروحين وترجعين بالسلامة يارب
وراح نشتاق لج وايد وايد
ربي يحفظج ويحميج
وترى شكل المدونة عجيييييييب
حبي:**
تروحين وتردين بالسلامة
رحلة سعيدة :*)
أماني
تروحين وترجعين بالف سلامة.. have fun
أتمنى لج و لأسرتج رحلة سعيدة و مثمرة
و إذا على تقفل آخر الوقت عندنا و عندج خير
تروحين و تردين لنا سالمه يا الغالية
اجازه سعيده اتمناها لج غاليتي
بس ما خبرتينا
وين الوجهه؟
أعتقد أن السفر عند أهل الكويت أصبح عادة وهواية أكثر منه للحاجة. للأسف أنها هواية مكلفة مو كل واحد يتحملها. يبقى اللي مايقتدر على السفر يدور له على هواية أخرى ليقضي فيها عطلته .. جمع الطوابع مثلاً؟
انا قاعد بدق مسمار ماني متحرك
بناضل هني <<< غصب يبي يحب ديرته -_-
تروحين و تردين بالسلامه انشالله :)
تسافرين وتردين بالسلامه يارب ..
بتوحشينا وتدويناتك الحلوه..
موفقه يارب .
تروحين و تردّين بالسلامه إنشالله ..
ديري بالج على نفسج و من الحين أقولج عدّي جم مره راح تقولين يا حلو الكويت لو وين ما نروح ..
دمتي بألف خير
chandal/danchal
الله يسلمج يارب .. وما يوحشج غالي حبيبتي :)
hopeless sight
الله يسلمج عزيزتي ..
وشدي حيلج والله يعينج على الدوام بالحر :)
سلة ميوه
الله يسلمج من كل شر يارب
والله تسعدني ردودج الحلوة والراقية مثلج أكيد
كل الحب والتقدير لشخصج الكريم
دمتي بألف خير
أماني
الله يسلمج حبيبتي ..
كلج ذووووووق
:)
كابتن خالد
تسلم ما تقصر والله
الجودي
مشكوره على الامنيات الطيبة .. وتقفل آخر لحظه صار سمه وشي متعارف عليه ومتوقع بعد :))
الله كريم ..
كل الود والتقدير
اقصوصه
تسلمين عزيزتي ..
وبالنسبة للوجهة اهي المفضله عندي كل صيف ما احب غيرها :))
أمريكا p;
Basses
اممممممم فعلاً السفر صار عندنا عاده أكثر منه احتياج او راحه ..
وعلى جمع الطوابع ما اعتقد يمشي سوقها بالكويت :)
تسلم على التواجد
كل الود
juvibzkirt
للحين ودي اعرف شنو يعني الاسم المستعار الخاص فيك !! :)
الله يسلمك مشكور على التواجد .. واعجبتني وطنيتك :)
رندا الجنوبية
الله يسلمج والله ومشكوره على التواجد الحلو والتمنيات الطيبة
دمتي بخير
الباتشينو
الله يسلمك اخوي
وبالنسبة للكويت .. ديرتي ومالي غناة عنها بس كل ما امشي اهني اقول حسافه عليج ياكويت .. مادري شناقصنا علشان نصير من أحسن الدول؟؟
الله كريم
كل التقدير
إرسال تعليق